Komîsyona Gel û Baweriyan a DEM Partiyê têkildarî Komkujiya Dêrsimê daxuyanî da û wiha got: “Ji Koçgiriyê heta Dêrsimê, ji Mereşê heta Roboskê heta faşîzma yekperest a serdest bi tu komkujiyan re hevrû nebû û ev faşîzm hate domandin. Vê yekê jî ji bo komkujiyên nû cisaret da.”
Di encama serdegirtinên malan ên li Nisêbînê de kesek û yên li Îzmîrê de jî derhênerê hunerê yê belgefîlma Bakur Koray Kesîk hate binçavkirin.
Zilamê bi navê S.K. li Sîncanê jinek qetil kir û jina dixwest pêşî li êrişê bigire jî birîndar kir. Li Kepezê jî jina bi navê Ashfaq Ahmad Qureshî li mala lê dijiya mirî hate dîtin.
Hevdîrektorê MLSA’yê Veysel Ok anî ziman ku fikarên têkildarî çapemenî û azadiya xweîfadekirinê yên li Tirkiyeyê zêde dibin û wiha got: “Ji ber zextên lê tên kirin, pêşniyara min ew e ku 3’yê Gulanê Roja Azadiya Çapemeniyê ya Cîhanê weke Roja Piştevaniya bi Rojnamegerên Kurd re bê ragihandin.”
Di nava salekê de di encama êrişên dewleta tirk û rejîma Îranê de herî kêm 54 kolber hatin qetilkirin.
Di qezaya trafîkê ya li ser Otorêya Nîgde-Enqereyê de 2 kesan jiyana xwe ji dest dan û 6 jê giran bi giştî 34 kes jî birîndar bûn.
Polîsan di danê sibehê de li Stenbolê bi ser mala gelek kesên dixwestin di 1’ê Gulanê de ji Saraçhaneyê ber bi Taksîmê ve bimeşin de girtin. ÇHD’ê da zanîn ku 47 kes hatine binçavkirin.
Asayîşa PDK’ê 192 roj berê edîtorê Rojnewsê Silêman Ehmed dema ji Bakur û Rojhilatê Sûriyeyê vedigeriya başûrê Kurdistanê binçav kir û ji wê rojê ve tu agahî jê nayên girtin.
Girtiyên siyasî bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd a bi rêyên demokratîk, 159 roj in di çalakiyê de ne.
Parêzer Alî Îhsan Demîrtaş ku çalakiya girtiyan ya li dijî tecrîda li ser Abdullah Ocalan nirxand, diyar kir ku tecrîd pêkanîneke îşkenceyê ya sîstematîk e û wiha got: “Divê çavkaniya vê bêhiqûqiyê ji holê bê rakirin.”
Rojnameger Celal Başlangiç ku li nexweşxaneyeke Kolnê dihat tedawîkirin, jiyana xwe ji dest da.
Û.P.O. yê di 3'yê Nîsanê de li Esenyûrta Stenbolê di protestoyên li dijî xespkirina vînê ya li Wanê de hatibû girtin, hat berdan.
Hevserokê Şaxa Hejmar 1 a Egîtîm-Sen a Amedê Farûk Ercan ku di daxuyaniya ji bo mufredata nû de axivî, diyar kir ku di mufredata perwerdeyê de senteza Tirk-Îslamê li ser şopa darbeya 12'ê Îlonê hatiye qebûlkirin û wiha got: “Di mufredatê de nêzîkatiya 'yek ol, yek mezheb' zêdetir hatiye eşkerekirin.”
Emîne Şenyaşar ku bi rojan e li ber Wezareta Dadê çalakiya xwe pêk tîne, runiştina li ber deriyê girtî yê wezaretê lê hat qedexekirin. Şenyaşarê got: “Edeleta we ya rezîl têk biçe.”