Dayikên Şemiyê di çalakiya xwe ya vê hefteyê de aqûbeta Husamettîn Yaman ê 32 sal berê hatiye windakirin pirsîn û diyar kirin ku ew ê dest ji lêgerîna edaletê bernedin.
Li bajarê Serdeştê kolberekî hêj zarok di encama êrişa hêzên rejîma Îranê de bi giranî birîndar bû.
Hate diyarkirin ku di êrişa DAIŞ’ê de 17 leşkerên Şamê hatine kuştin.
Parêzerê Hatîce Yildiz a ji ber ji keça xwe û hevala wê ya qawişê re pere şandin hate girtin, Xebat Demîrcan diyar kir ku divê muwekîla wî demildest ji çavên xwe emeliyat bibe û got: “Divê biryara taloqkirina înfazê were dayîn.”
Hat diyarkirin ku girtiyên li Girtîgeha Tîpa T a Islahiyeyê di serdegirtina qawîşan de rastî tundiyê hatine û paşê ew birin hucreyên yekkesî û li vir wiha gef li wan hatiye xwarin: "Hûn rastî dema Esat Oktay hatine yan na? Ger hûn nehatibin, nexwe hûn bi xêr hatin."
Hevserokê TUHAY-DER’a Wanê Çetîn Ûyar ji bo çalakiya girtiyan banga xwedîderketinê kir û got: “Çalakî ne tenê ji bo gelê kurd e. Bidawîkirina tecrîdê wê di warê demokratîkbûyînê de tevkariyeke mezin li vî welatî bike."
Omer Koç ê 18 salî ji ber teqîna cîsmekî li mezraya Kokê ya girêdayî navçeya Hênê birîndar bû, jiyana xwe ji dest da.
Asayîşa PDK’ê 193 roj berê edîtorê Rojnewsê Silêman Ehmed dema ji Bakur û Rojhilatê Sûriyeyê vedigeriya başûrê Kurdistanê binçav kir û ji wê rojê ve tu agahî jê nayên girtin.
Girtiyên siyasî bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd a bi rêyên demokratîk, 160 roj in di çalakiyê de ne.
Welatiyên ku li herêma Marûnisê li dijî xebatên madenê dest bi nobedê kirin, diyar kirin ku heta qadên madenê neyên girtin wê çalakiya wan bidome û ji bo piştevaniyê bang li raya giştî kirin.
Parlamenterê DEM Partiyê Omer Faruk Gergerlîoglû bertek nîşanî girtina 3 rojnamegeran da û got ku ewilî rojnamegerên ku polîtîkayên desthilatê yên çareserkirina meseleya kurd dixetimînin eşkere dikin, hedef tên girtin.
Akademîsyen Dr. Kamuran Berwarî da zanîn ku avakirina 2 baregehên leşkerî ya piştî 30 salan li bajarê Zaxoyê statuya başûre Kurdistanê ber bi xetereyê ve dibe û got: "Heke ku Erdogan lambeya kesk ji Iraqê re pêxistibe li ser bingeha dijminatiya li dijî kurdan pêxistiye. Iraq jî dixwaze ku desthilatdariya başûrê Kurdistanê bi dawî bîne û vê deverê careke din têxe bin kontrola xwe da ku karibe hevbeş bike."
Li navçeya Licikê ku kareseta madenê lê pêk hatibû cenazeyê 2 karkerên din jî hatin dîtin.
Wêneyên aydê komkujiya Dêrsîmê yên li Dîwarê 38’an a Dêrsîmê daliqandî bi biryara qeymeqamtiyê hat rakirin.