Hevşaredarê Şemrexê Hamdîn Demîr ê ku 10 xizmên wî di şewatê de mirin, diyar kir kir ku DEDAŞ û polîtîkaya çandiniyê ya dewletê ji şewatê berpirsiyar e û got: “DEDAŞ li vir pirsgirêka herî mezin e.”
Dayik ango Mirovên Şemiyê di çalakiya vê heftê de li aqûbeta Mehmet Zekî Dogan ê ku 30 sal berê li Çelê hat windakirin pirsîn û gotin dê tu carî dev ji lêgerîna edaletê bernedin.
Hevserokên Giştî yên DBP’ê û DEM Partiyê bi tevî şandeyek girseyî ve serdana şîna qurbaniyên şewatê kirin. Hevserokan da zanîn ku mesûliyeta mezin a şewatê DEDAŞ e û bang kirin ku herêma şewatê wek “Herêma Afetê” bê ragihandin.
Her çiqas DEDAŞ bêje şewat ne ji ber ceyranê bûye û dîrekên ceyranê li wir tune ne jî lê li cihê şewatê bi dehan dîrek tên xuyakirin.
Ji şahidên şewatê Hamza Bulbul ê ku li baxçeyê nexweşxaneyê li benda meta xwe Zekiye Erdenli ya ku di şewatê de bi giranî birîndar bûbû disekine, bertek nîşanî nûçeyên ku şewat ji ber pirêzeyan derketiye da û got ku şewat ji ber ceyranê derketiye.
Hêzên rejîma Îranê, ciwanê kurd Arkan Balvaseh ê ku kolberiyê dikir li ser sînor kuştin.
Baroya Amedê der barê kesên li ser hesabên xwe yên medya dîjîtal de têkildarî şewata li Çinarê û Şemrexê parvekirinên nijadperest kirin, gilî kir.
Walîtiya Amedê û Wezareta Tenduristiyê şewata li Çinarê û Şemrexê wek “şewitandina pirêzeyan” didin nîşandan. Cîgirê Wezîrê Karên Navxweyî Munîr Karaloglû jî diyar kir ku wan sedema derketina şewatê tespît nekirine.
Li Hîlwanê di navbera du malbatan de şerê çekdarî qewimî û 3 kes mirin û 4 kes jî birîndar bûn.
Kerîme Erdenlî ya di şewata li Çinarê û Şemrexê de jî birîndar bûbû, vê sibehê li nexweşxaneyê jiyana xwe ji dest da.
Endamê HPG’ê Şakîr Erdemcî yê di şerê li Çiyayê Mawa de jiyana xwe ji dest dabû li Goristana Guneykentê ya Mêrsînê di dorpêça polîsan de hat veşartin.
Parlamentera DEM Partiyê ya Mêrdînê Bêrîtan Guneş ku ji destpêkê ve li herêma şewatê bû, anî ziman ku leşker û polîsan rê girtibûn û welatî nekarîbûn biçin herêma şewatê.
Cîgirê Serokê CHP'ê yê Stenbolê Alî Ekber Comert anî ziman ku wê bi têkoşîna hevpar pêşî li pirsgirêka tayinkirina qeyûm bê girtin û ji bo mitînga ku wê Hêzên Ked, Aştî û Demokrasiyê yên Stenbolê di 29'ê Hezîranê de li dar bixin bang kir.
Girtiyên siyasî bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd a bi rêyên demokratîk, dernakevin hevdîtin û telefonên malbatê û dadgehan boykot dikin. Çalakiya girtiyan di roja 209’emîn de berdewam dike.
Rêveberê MED TÛHAD-FED'ê Sedat Esîn, bal kişand ser çalakiyên ku bi daxwaza rakirina tecrîda li ser Rêberê PKK'ê Abdullah Ocalan û azadiya wî ya fizîkî hatine destpêkirin û got ku heya tecrîd ranebe wê têbikoşin.