MYK’a DEM partiyê ya ku kom bûbû, biryar da ku li Stenbolê namzet nîşan bide. Kesên ku weke namzet bên nîşan dan hêj diyar nebûn. Li Bolûyê Velî Saçilik bû namzet û li Antalyayê jî navê Kemal Bulbul derket pêş.
Welatiyên di Nobeta Edaletê de bal kişandin tecrîda li Îmraliyê, diyar kirin ku heta ku Rêberê PKK’ê Abdullah Ocalan azad nebe dê çalakiya xwe bidomînin û wiha gotin: “Êdî dem dema ku em Ocalan di nava xwe de bibînine.”
Meşvanên Azadiyê li navçeya Avkevira Agiriyê bi coşeke mezin hatin pêşwazîkirin. Parlamentera DEM Partiyê Adelet Kaya ser navê meşvanan axivî. Kaya bal kişand ser politîkayên şer û wiha got: “Em ji bo pêşeroja zarokên xwe dimeşin.”
Hevşaredara Dêrsimê ya hatiye girtin û li şûna wê qeyûm hatiye tayînkirin Nûrhayat Altin, tev li merasîma cenazeyê birayê xwe Hasan Altûn bû.
Hevserokê DEM Partiyê yê Sêrtê Eşref Tekîn ku di serdana esnafan de axivî bal kişand ser hilbijartina 31’ê Adarê û wiha got: “Divê ji bo vîna gel rêz bê girtin û careke din qeyûm neyên vî bajarî.”
Şaxên ÎHD’ê û nûnerên rêxistinên sivîl, li Stenbol, Enqere û Îzmirê li gel xizmên girtiyan daxuyanî dan çapemeniyê û xwestin girtiyên nexweş serbest bên berdan.
Tevgera Ekolojiyê birîna darên Baxçeyên Hewsela ku di lîsteya UNESCO’yê ya Mîreteya Çanda Cîhanê de cih digire, ragihand.
Li Arnavûtkoyê ciwanê bi navê Ahmet E. yê 26 salî bi îdiaya ku hişyariya ‘bisekine’ guhdar nekiriye ji aliyê polîsan ve hate kuştin.
Li Herêma Kurdistana Federe leşkerek hate kuştin û du leşker birîndar bûn.
Endamê Meclisa DEM Partiyê Muhammed Ayten, di serdegirtina malê de hate binçavkirin.
Xizmên Windakiriyan di çalakiyên xwe yên li Amed û Êlihê li dar xistin de aqûbetên Kemal Mubarîz û Cuneyt Aydinlar pirsîn.
Dayikên Şemiyê yên cara 984’emîn derketin Qada Galatasarayê, aqûbeta Maksût Tepelî yê beriya 40 salan piştî hate binçavkirin careke din agahî jê nehate girtin pirsîn.
Şandeya di nava “Meşa Mezin a Azadiyê” de cih digire, li navenda Colemêrgê ya ku gihiştinê gel silav dike.”
Baskê “Meşa Mezin a Azadiyê” yê Qersê piştî Bazîdê derbasî navçeya Giyadîn a Agiriyê bû. Parlamentera DEM Partiyê Sebahat Erdogan Saritaş a li vir axivî, wiha got: “Em ji bo azadiya fizîkî ya birêz Ocalan derketin rê. Nikarin birêz Ocalan bi vî gelî bidin jibîrkirin.”
Şandeya di nava Meşa Mezin a Azadiyê de cih digire serdana Pira Ciwanên Şoreşger ku Denîz Gezmîş û hevalên wî li ser Ava Zapê ya li Colemêrgê ava kirine, kirin.