Apartmana Atîlla Eren a li Hatayê ku li şûna 7 qatan weke 14 qat hatibû çêkirin di erdhejê de hilweşiya û 400 kesan jiyana xwe ji dest dan. Parêzer Ecevît Alkan got ku kesên qadên zeytûngehan ji îmarê re vekirîn ev saleke hêj nehatine lêpirsîn.
Ji rojnameger Silêman Ehmed ku ji hêla asayîşa PDK’ê ve hatibû revandin 104 roj in tu agahî nayên girtin. Tevahiya hewldanên ji bo hevdîtinê ji hêla PDK’ê ve tên astengkirin.
Bi mebesta azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd bi rêyên demokratîk, girtiyên siyasî dest bi greva birçîbûnê kiribûn. Çalakiya girtiyên siyasî di roja 71’an de didome.
Tevî ku salek di ser erdhejê re derbas bûye jî, li Semsûrê pirsgirêka xaniyan a mexdûrên erdhejê hê nehatiyê çareserkirin. Li Semsûrê xebatên rakirina xirbeyan jî hêj bi dawî nebûne û mexdûrên erdhejê ev salek e di nava xirbeyên ku xizmên xwe lê winda kirine hewl didin jiyana xwe bidomînin.
Li navçeya Bazarcix a Mereşê ku navenda erdhejê bû, her çend salek derbas bû jî pirsgirêka xaniyan a mexdurên erdhejê nehat çareserkirin. Ji aliyeki mexdûrên erdhejê li bendê ne ku pirsgirêkên wan ên xaniyan bên çareser kirin û ji aliye din jî li navçeyê şopa erdhejê weke roja ewil e.
Hevserokê Şaxa Odeya Avahîsazan a Amedê yê berê Ferît Kahraman, da zanîn ku hilweşandina avahiyên pir xesar dîtî li gorî rêziknameyê nayê kirin û got ku “Herêmên erdhejê bûne cihên rantê.”
Yek ji rêveberên OHD’ê parêzer Yûnûs Emre Guneş ku di nav kesên ji bo rakirina tecrîda li Îmraliyê serlêdan kirin de ye, destnîşan kir ku divê baro li dijî tecrîdê zextê li Wezareta Dadê bikin.
Welatiyên li navçeya Hezroyê daxwaza desthilatê ya bidestxistina şaredariyê ya bi hilbijêrên veguhestî re weke “Li pey xeyalekê ne, ev yek dê tenê xeyal be” nirxandin.
Derket holê ku Midurê Polîsan ê Akdenîzê Ebûbekîr Fîl ku di nava “hilbijêrên xeyalî” yên DEM Partiyê li navçeya Akdenîzê îtîrazî wan kiriye de ye, têkildarî îtîrazan lêkolîn kiriye.
Abdûrrahman Ayhan ku gava xwendekarê Fakulteya Zanistên Siyasî ya Zanîngeha Enqereyê bûye Abdullah Ocalan nas kiriye, anî ziman ku her kes gava ew nas dikir dibû heyranê wî û got ku paradîgmaya Modernîteya Demokratîk komploya navdewletî pûç kiriye.
Nobeta Edaletê ku bi daxwaza azadiya fîzîkî ya Rêberê PKK’ê Abdullah Ocalan hatiye destpêkirin li 6 bajaran berdewam kir.
Meşvanên Azadiya Mezin ên gihiştin herêma Botanê, kesên li Roboskê bi bombebarana balafirên şer hatin qetilkirin bi bîr anîn. Halîme Encu ya bang li dayikên leşker û polîsan kirin ev bang kir: “Werin em dest bidin destê hev.”
Rewşa tenduristiyê ya girtiyê nexweş Mehmet Alî Ugur ê li Girtîgeha Tîpa L a Panosê tên ragirtin her ku diçe xerabtir dibe.
Baskê “Meşa Mezin a Azaadiyê” yê Qersê li pêşiya Girtîgeha Panosê daxuyanî da. Ji meşvanan Hevserokê MED TUHAD-FED’ê Kerem Canpolat got ku ew ê teqez bi ser kevin.