Haci Soylû yê xwe weke pismamê Suleymen Soylu daye nasîn, di lêgerîneke bidîmen a telefonê de li xwe mikur hat û anî ziman ku wî di Şaredariya Bajarê Mezin a Rihayê de Serokê KADER'ê Yavuz Kara xistiye kar û got ku bêyî ku Kara biçe kar ji bankamatîkê pereyê xwe digire.
Leyla Zana ya serdana gorên 34 kesên di encama bombe barandina balafirên şer de li Roboskê hatin qetilkirin kir, wiha got: “Roboskê birîna Kurdistanê ya nayê cebirandin e.”
Namzetên hevşaredariyê yên Akdenîzê yên DEM Partiyê Nuriye Arslan û Hoşyar Sariyildiz destnîşan kirin ku wan weke partî tevahî tevdîrên ewlehiyê girtine û gelê Akdenîzê vexwendin bikaranîna dengan û xwedîderketina sindoqan.
DEM Partiyê li navçeya Panosê mitîng, li navçeya Dûtaxê civîna gel lidarxist. Sirri Sakik ê di mitîngê de axivî, bal kişand ser leşker û polîsên weke hilbijêrên veguhestî hatine anîn û got: “Hûn ê li dijî kesên ku hewl didin vîna Agiriyê, Panosê xesp bikin, bêdeng bimînin?”
Komeleya Şêx Seîd û Hevalên Wî destnîşan kir ku divê di hilbijartinan de li dijî qeyûman li cem mazlûman were sekinandin.
Polîsên ku di mitînga DEM Partiyê ya li Qersê li darxistibû de du ciwanên cil û bergên netewî li xwe kiribûn binçavkiribûn, dest danîn ser cil û bergên ciwanan.
Malbatên Haci Lokman Bîrlîk ê cenazeyê wî bi wesayîta zirxî ve hatibû kaşkirin û Fatma Uyar a li Silopiyayê hatiye qetilkirin wiha gotin: “AKP zarokên me dikuje, xwezaya me talan dike, bajarên me xera dike, zimanê me qedexe dike. Em bi tu awayî deng nadin wan.”
Hevserokê Giştî yê ÎHD’ê Huseyîn Kuçukbalaban, anî ziman ku li Tirkiyeyê di demekî ku bi milyaran dolar tên fihêlkirin de pereyên ji girtiyan re tên şandin ji bo ji “lîsteya gewr” a Hêza Peywîra Çalakiyên Malî (FATF) derkeve dibin mijara sûc û got: “Hûn nikarin 3-5 qûriş pereyan bikin mijara sûc û ji lîsteya gewr derkevin.”
Qeyûmê Şaredariyê Bajarê Mezin ê Mêrdînê Tûncay Akkoyûn guh neda hişyariyên Dîwana Çavdêriya Darayî û îhaleya kanalîzasyonê ya MARSU’yê bi hinceta “karesatê” bi şêwaza “bazarkirinê” çêkir.
Pîlotê şer yê teqawîtbûyî Bahadir Altan diyar kir ku pêşxistina pergala parastinê ya li dijî SÎHA'yan dikare serweriya hewayî berovajî bike û got ku ewlehiya sînor bi aştiyê pêkan e, ne bi çekan.
Li Rihayê ku di hilbijartinên berê de li hin deverên wê rayên blok û eşkere dihatin bikaranîn, vê carê DEM Partiyê gelek tevdîr girtine. DEM Partî dê sindoqên li bajêr bi 9 hezar û 422 muşahidan biparêze.
Namzetê Hevşaredariyê yê Tetwanê yê DEM Partiyê Mumîn Erol bang li hemû şêniyên bajêr kir û got: "Em dengên xwe bi kar bînin û em vê rewşê biguherînin."
Namzeta Hevşaredariyê ya Êlihê ya DEM Partiyê Gulistan Sonûk bang gelê Êlihê kir û got: “Divê her hevalek me biçe ser sindoqan û raya xwe bide. Divê xwedî li sindoqan bê derketin. Em nehêlin rayên me bidizin."
Rêxistina DEM Partiyê ya Mêrsînê ji bo 550 sindoqên ku dê li Şaredariya Akdenîzê bên danîn, hezar û 500 kes wezîfedar kirin.
Girtiyên siyasî bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd a bi rêyên demokratîk, 125 roj in di greva birçîbûnê de ne.