Şahida Komkujiya Madimakê Bîrsen Gunduz ku birayê wê û 2 karkeran û bi giştî 33 kesan jiyana xwe ji dest dabûn, diyar kir ku ev komkujî bi piştgirî û çavdêriya dewletê hatiye kirin. Nîlgûn Karababa ku xwişka wê di komkujiyê de jiyana xwe ji dest dabû da zanîn ku komkujî li dijî Elewiyan pêk hat.
Welatiyên gundê Kêrs a navçeya Qaxizmanê, diyar kirin ku piştî rabûna lehiyê mal û bexçeyên wan zirar dibînin û daxwaza çareseriyê kirin.
Parêzer Eren Keskîn ji bo berdana girtiya nexweşa giran a dil Fatma Tokmak serlêdan kir got, "Rewşa wê ji aliyê jiyanê ve gelekî krîtîk e. Nikare bimeşe, nikare razê. Ya rast, em bi fikar in."
Veysel Ok, ji bo rojnameger Zeynep Durgut a ku nûçeya dosyaya “Çeteyên Fihûşê” çêkiribû û ji aliyê malbata sûcdar ve gêf lê hatibû xwarin, bertek nîşan da û diyar kir ku polîtîkayên bêcezakirinê pêşiya mafyayê vedikin. Tûrgût Dedeoglû, bo rêxistinên çapemeniyê banga piştevaniyê kir.
Neviyê Şêx Seîd, Kasim Firat têkildarî pêvajoyê axivî û got: "Em ê piştevaniya aştiyeke adilane bikin. Ji bo aştiyeke mayînde, cenazeyê 47 kesan teslîm bikin. Ger ev gav bê avêtin dê baweriya me xurttir bibe.”
Endama Navenda Giştî ya ÎHD’ê Pinar Zengîn diyar kir ku berdana girtiyên nexweş, azadiya fîzîkî ya Abdullah Ocalan û xurtkirina rêveberiyên herêmî dê ji bo pêvajoyê sûdewer bin.
Donald Trump piştî daxuyaniya Xamaney ku gotibû li dijî DYA'yê êrîşên nû dikarin pêk bînin, ragihand ku sivikkirina cezayên li ser Tehranê hatiye rawestandin.
Baroya Rihayê, OHD û ÎHD’ê ragihandin ku ji bo hevrûbûnê, naskirina mafan û pêşxistina pêşniyarên reformê dest bi xebatên li qadê, panel, civîn û amadekirina raporan dikin.
Di rapora ku piştî nirxandinên li 9 girtîgehan hat amadekirin de rêxistinên hiqûqî û sivîl gotin, "Mafên herî bingehîn ên însanî yên girtiyan hatine sekinandin, tecrîda li ser girtiyan derketiye asta herî bilind."
Di encamnameya konferansa li Parlamentoya Ingilistanê de daxwaza sereke azadiya fîzîkî ya Rêberê Gelê Kurd Abdullah Ocalan bû.
Li Westanê mamosteyê lîstikên folklorê M.T. ê ku ji sûcê îstîsmarkirina 5 zarokan 28 sal û 11 meh ceza lê hatibû birîn, rexmê cezagirtinê jî salek û 7 meh in hêj nehatiye girtin.
Rêberê Gelê Kurd Abdullah Ocalan ji bo konferansa “Konferansa Sedsaliya Serhildana Şêx Seîd, Tevgera Azadî, Şêx Seîd û hevalên wî, bîr û îtiraza kolektîf” re peyam şand û got: “Xeta Şêx Seîd dema ku bi paradîgmaya neteweya demokratîk a îroyîn re were hevgirtin, ew ê wateya xwe ya rastîn bi dest bixe.”
Cemiyeta Rojnamegerên Dixebitin a Şirnexê, têkildarê gefên li rojnameger Zeynep Durgut hatine xwarin daxuyanî da û got: "Em li dijî vê zîhniyetê bê deng namînin û em bi hempîşeya xwe re ne.”
Ji bo îtîraza li dijî biryara bihincet a Doza Kobanê ku 32 hezar û 600 rûpel e û xwendina wê bi mehan naqede, tenê 7 roj dem hate dayin. Endama Komîsyona Hiqûqê ya DEM Partiyê Nûray Ozdogan got: “Bi vê re mafê parastinê hatiye bisînorkirin. Mimkin nîne di 7 rojan de bê lêkolînkirin.”