Rêberê Gelê Kurd Abdullah Ocalan, 14’emîn Konferansa Meclisa Îştarê silav kir û got ku di wê baweriyê de ye heke Pêvajoya Aştî û Civaka Demokratîk bi ser keve dê pêşiya vegera li welat jî vebe.
Cîgira Hevserokên Giştî yên DEM Partiyê Ebrû Gunay diyar kir ku dê ji gelek welatên cuda kes tev li konferansa di 6-7’ê Kanûnê de li Stenbolê bê lidarxistin bibin û got: “Pirsgirêka Kurd dê li ser zemîneke navneteweyî bê nîqaşkirin.”
Hevseroka Giştî ya DAD'ê Kadriye Doganê got: "Gelê Kurd ji bo Abdullah Ocalan dibêje ew 'Rêberê me û sermuzakerevanê me ye.' Ji ber vê yekê, divê 'mafê hêviyê' were naskirin û şert û mercên ku ew karibe bi civakê re têkilî dayne werin dabînkirin."
Hevserokê AATUHAY-DER'ê Zahir Akalin diyar kir ku girtiyên nexweşên giran nayên dermankirin û mafê wan ê jiyanê tê binpêkirin û banga "Dest ji van pêkanînan berdin, girtiyên nexweş berdin" kir.
Kurtegirtekên hevdîtina bi Rêberê Gelê Kurd Abdullah Ocalan re di civîna Komîsyona Meclisê de hatin aşkerakirin. Abdullah Ocalan got ku ew li pişt gotinên xwe ye û ji bo serkeftina pêvajoyê di nava hewldana de ye û di çarçoveya derfetan de wê hewldanên xwe bidomîne.
Di civîna 19'an a komîsyonê de li ser parvekirina girtekên hevdîtina bi Rêberê Gelê Kurd Abdullah Ocalan re alozî derket.
Şîna Sînan Can ê HPG’î ya li Milazgirê bi girseyî hat ziyaretkirin.
Xeyala Zinar Altuntaş ê Down Sendromî ew bû ku bi Amedsporê re bixebite. Xeyala Zinar Altuntaş pêk hat û dê antremana Amedsporê birêve bibe.
Hat diyarkirin ku DEM Partiyê xwestiye girtekên hevdîtina li Îmraliyê bên aşkerakirin lêbelê AKP û MHP li dijî vê derketiye û hat hînkirin ku Serokatiya Meclisê, li partiyan geriyaye û xwestiye ku hûrgiliyên hevdîtinê bi devkî bê parvekirin.
Raportorê Palamentorya Ewropayê yê Tirkiyeyê Nacho Sancez Amor, bi Hevserokê Giştî yê DEM Partiyê Tuncer Bakirhan re hevdîtin kir. Di hevdîtinê de pêvajo hat gotûbêjkirin.
Girtî Nîhat Şahîn ê piştî 30 salan hat tehliyekirin got: “Wekî şehîd Çiyager jî gotiye ‘dawî dê muhteşem be’. Çi çax dibe bila bibe dê Kurd azadiya xwe bidest bixin.”
Endamê Egîtîm Sen a Wanê Denîz Ulfer, diyar kir ku projeyên TUGVA'yê yên bişaftinê û mîlîtarîzmê ji aliyê qeyûmê Şaredariya Bajarê Mezin a Wanê ve tê fînansekirin.
Rojgul Ozdemîr a ku dema bavê wê hat girtin 3 salî bû, diyar kir ku dema 7 salî bû çûye ziyaretê û ev 29 sal in rêya girtîgehê çaverê dike û got: “Gelek nexweşiyên giran ên bavê min hene. Em jî mîna gelek malbatan, li benda berdana bavê xwe ne.”
Îlahiyatnas Mihemed Salar, diyar kir ku divê Diyanet di xutbeyan de bi Peyamana Hudeybiyeyê û Peymana Medîneyê rave bike û pêvajoyê bi awayeke rast ji gel re vebêje.