Girtiyê siyasî Devrîm Acar ku li Girtîgeha Amedê tê ragirtin û di greva birçîbûnê de ye ev peyam şand: “Tecrîd tê wateya bêdengkirinê, bêdengî jî tê wateya mirinê. Divê hemû gel dengê me bibihîsin û dengê xwe derxînin.”
Endamê HPG’ê Levent Andiç ku li Elkê di pevçûnekê de jiyana xwe ji dest dabû li Amedê hate definkirin.
Ji bo tehliyeya girtî Abdullah Zoraslan 3 roj mabûn ku bi hinceta delîlên di dosyaya wî ya berê de cezayê muebbetê û 23 sal û 9 meh cezayê hefsê lê hate birîn. Zoraslan, got ku dozger jê re gotiye; “Ev 3 sal in li bendê bûm ku dema ji bo tehliyeya te 3 roj dimînin te dîsa bidim girtin.”
Ji rojnameger Silêman Ehmed ku ji hêla asayîşa PDK’ê ve hatiye binçavkirin, 77 roj in tu agahî nayên girtin.
Çalakiya greva birçîbûnê ku girtiyên siyasî bi daxwaza “Ji Abdullah Ocalan re azadî, ji bo pirsgirêka kurd çareserî” dane destpêkirin di roja 44’an de didome.
Li Amedê têkildarî bûyera ku ajokarê otobusa gel a taybet Serkan Aslan jiyana xwe ji dest da 4 kes hatin binçavkirin. Hate diyarkirin ku ji van kesan 3 hatine girtin.
Nivîskar û hunermendên tev li deklarasyona “Em ji aştiyê re bibin deng” a li Amedê bûn, destnîşan kirin ku ji bo aştiyeke mayînde divê bi Abdullah Ocalan re hevdîtin bê kirin.
Welatiyên Farqînê ku di hilbijartinên herêmî de amadekariya şandina qeyûm dikin wiha gotin: "Her kes dizane ku em ê şaredariyên xwe dîsa bigirin, lewma bila amade bin."
Dayika Rojnameger Silêman Ehmed ku 77 roj in agahî jê nayê girtin daxwaz kir ku dengê kurê wê bê bihîstin û got: “PDK’ê çima kurê min girtî ye, çima agahiyekê nadin min? Agahî nedayina der heqê jiyana kurê min de tê çi wate yê?”
Li DEM Partiya bi modela “Lihevkirina Bajêr” namzetên xwe diyar dike amadekariyên pêş hilbijartinê berdewam dikin. Me tiştên têkildarî pêş hilbijartinê de tên mereqkirin di 10 pirsan de berhev kirin.
Endamên Meclisa Dayikên Aştiyê ya Geverê anîn ziman ku heta ku tecrîd bi dawî nebe ne pêkane aştî were ser vê axê û bang kirin ku li dijî tecrîdê herkes dengê xwe derxîne.
Yek ji îmzekarên deklarasyona “Em ji aştiyê re bibin deng” derhênera belgefîlm û sînemayê Nejla Demîrcî, diyar kir ku divê zimanê aştiyê ji nû ve were avakirin û wiha got: “Heke gelê kurd Abdullah Ocalan weke aktorê vê pêvajoyê bibîne divê pê re hevdîtin were kirin, ev rastiya gelê kurd e.”
Endezyarê Bilind ê Jeofizîkê Prof. Dr. Ahmet Ercan ê erdhejên li Colemêrgê çêbûn nirxandin wiha got: “Teqeze ku dê erdhej li ser şikesteke Geverê çêbibe. Licê, Wan, Colemêrg, Tetwan, Bedlîs û Mûş jî qadên ku dê di asta yekemîn de bi bandor bibin in.”
Cenazeyên endamên HPG’ê Levent Andiç û Haci Alî Yîgît ên di şerekî li navçeya Elkê derketî de jiyana xwe ji dest dabûn, piştî 5 mehan radestî malbatên wan hatin kirin.