DEM Partiyê bi boneya 10’ê Çileyê Roja Rojnamegerên Dixebitin daxuyanî da û wiha got: “Roja Rojnamegerên Dixebitin li hemû rojnamegerên tevî zextan jî xwedî li rûmeta pîşeyê derdikevin pîroz be.”
Cêwiyên 16 salî ku di erdhejê de nêzî 4 saetan di bin kavilan de man û ji ber tirsa erdhejê bi hev re radizan, bi “hevzayendîbûnê” hatin sûcdarkirin û ji wargeha Dibistana Amadehî ya Sporê ya Mevlut Çavuşoglû ya Alanyayê hatin avêtin.
AYM’ê sûcê “Her çend ku endamê rêxistinê nebe jî li ser navê rêxistinê sûc kiriye” betal kiribû. Bariş Onen ku ji ber vê îdiayê girtîbû, piştî serlêdanê hate berdan.
Xwendekara dibistana amadehî ya 16 salî S.K., ji hêla kesên tê gotin xizmên wê ne ve bi wesayîtê hate revandin.
DFG û MKG’ê 10’ê Çileyê Roja Rojnamegerên Dixebitin pîroz kirin û ev peyam dan: “Bi dirûşma ‘çapemeniya azad, civaka azad’ em ê zordestî û zilmê têk bibin.”
Di serdegirtinên malan ên li Pêrtagê de 2 kes hatin binçavkirin.
Karîkaturîst Sefer Selvî bi boneya 10’ê Çileyê Roja Rojnamegerên Dixebitin rojnamegerên girtî xêz kir.
Welatiyê bi navê Vedat Ozer di 9 salan de 16 caran hate binçavkirin û derheqê wî de 12 doz hatin vekirin. Herî dawî jî bi hinceta ku di kongreya DBP’ê de ji bo stranekê li defê xistiye derheqê wî de lêpirsîn hate destpêkirin.
Nûnerên rêxistinên civaka sivîl ên Wanê diyar kirin ku ji bo şer bi dawî bibe û aştî pêk bê, tekane rê hevdîtinên bi Rêberê PKK’ê Abdullah Ocalan re ne.
Polîsan li Geverê bi ser mala malbata Kurt de girtin, gule li hewa reşandin û endamên malbatê derb kirin. Welatiyên rastî tundiyê hatin ji ber ku pirsa “destûra lêgerînê” kirin, bi kuştinê gef lê hate xwarin.
Ji rojnameger Silêman Ehmed ku ji hêla asayîşa PDK’ê ve hatiye binçavkirin, 78 roj in tu agahî nayên girtin.
Çalakiya greva birçîbûnê ku girtiyên siyasî bi daxwaza “Ji Abdullah Ocalan re azadî, ji bo pirsgirêka kurd çareserî” dane destpêkirin di roja 45’an de didome.
Rexnegirê Hunerê-Resam Feyyaz Yaman destnîşan kir ku divê meseleya kurd li ser zemîneke hevpar bê çareserkirin û got ku heya rewşenbîr û hunermend bi vê pirsgirêkê re hevrû nebin, dê nikaribin hebûna xwe bidomînin.
Sabîha Aslan, xwişka Veysî Aktaş ê li Girtîgeha Ewlehiya Bilind a Tîpa F a Îmraliyê 34 meh in xeber jê nayê girtin, diyar kir ku rûyê xizmên xwe ji bîr kirine û ji bo hestiyariyê bang kir.
Li navenda bajarê Şirnexê nêzî hezar û 500 mamoste bi pirsgirêka hewînê re rû bi rû ne. Li gel vê hê jî "Mala Mamosteyan" ku bi milyoan pere lê hat xerckirin û di hat plankirin dê di sala 2022'yan de temam bibe, bi hinceta "nebûna alavan" hê jî neketiye meriyetê.