Li Şirnex û navçeyên wê bi hezaran kesên ne ji bajêr wekî hilbijêr hatine qeydkirin. Hevserokên DEM PArtiyê yên navend û navçeyan bertek nîşanî vê yekê dan û gotin:" Hîle jî wê nikaribin AKP'ê rizgar bikin. Ev gel wê vîna xwe teslîmî wan neke."
Girtiyê siyasî Mehmet Kirik ku di Girtîgeha Tîpa S ya Ewlehiya Bilind a Antalyayê de tê ragirtin, bi rêya malbata xwe peyamek şand û got: “Heya serokê me azad nebe em dest ji vê greva birçîbûnê bernadin. Heke ew azad bibe em ê jî azad bibin, gelê me û gelê tirk jî dê azad bibe.”
Jinên kurd ên şoreşger ku hatin qetilkirin li Parîsê hatin bîrbîranîn. Di bîranînê de hat xwestin ku tecrîda li Îmraliyê bê rakirin û PKK ji "lîsteya rêxistinên terorê" bê derxistin.
Di bîranîna ji bo Sakîne Cansiz, Fîdan Dogan û Leyla Şaylemezê de ku li Parîsê hatin qetilkirin wiha hat gotin: “Qetlîamên siyasî yên li dijî tevgera azadiya kurd, cînayetên taybet in û çi bikin jî nikarin têkoşîna azadiya jinê paşve bixin.”
Hat diyarkirin ku li navçeya Hezro ya Amedê beriya hilbijartinên herêmî li 3 taxan hezar û 150 hilbijêrên xeyalî hatine qeydkirin. Rêxistina Navçeyê ya DEM Partiyê dê der barê nelirêtiyên hatine kirin de îtîraz bike.
Çalakgerên li gelek navendan Nobeta Edaletê domandin, anîn ziman ku daxwaza wan êdî ne hevdîtineke bi temamî azadiya fizîkî ya Rêberê PKK'ê Abdullah Ocalan e.
Di aktîvîteyên bîranînê yên ji bo Sakîne Cansiz, Fîdan Dogan û Leyla Şaylemez ên beriya 11 salan li Parîsê hatin qetilkirin hatin kirin de peyama “Têkoşîna heqîqetê dê bidome” hate dayîn.
Di rapora ku Koordînasyona Şopandin û Çavdêriyê ya Greva Birçîbûnê ya li Wanê têkildarî 12 girtîgehan amade kir de hate diyarkirin ku girtiyên di greva birçîbûnê de rastî gelek binpêkirinên mafan tên û bang hate kirin ku daxwaz bên bicihanîn.
Ji ber weşanên li herêmên erdhejê kirine, derheqê rojnameger Ahmet Kanbal de bi îdiaya “propagandaya rêxistinê” lêpirsîn hatibû destpêkirin û dozger biryara “neşopandinê” da. Her wiha dozger xwest bi îdiaya “agahiyên xelet parve kirine” giliyê Kanbal were kirin.
Di danişîna ewil a doza derbarê rojnamevan Denîz Nazlim, Sîbel Yukler û Yildiz Tar de hatiye vekirin de hate diyarkirin ku polîsên mudaxileyî daxuyaniya bûye mijara dozê kirine di lêpirsîna Ayhan Bora Kaplan de ji kar hatine dûr xistin.
Rêxistina DEM Partiyê ya Stenbolê da zanîn ku ji bo piştevaniya bi gelê Filistînê re dê di 14’ê çileyê de li Esenlerê mitîngê li dar bixin.
Parêzerên Bûroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan ku 34 meh in tu agahî jê nayên girtin, serî li Serdozgeriya Komarê ya Bursayê û Midûriyeta Girtîgeha Îmraliyê dan.
DEM Partî dê di rojên pêşiya me de biryara ku dê ji Antalyayê namzet derxîne an dernaxîne aşkere bike.
Rêveberiya qeyûm a Mêrdînê zext li şîrketa ku bîllboardên li bajar dide kirê kir ku di navbera 15’ê çileyê û 3’yê adarê de ji bilî şaredariyê nehêle kesek bi kar bîne.