* Li Erziromê, sobevanan bilêv kirin ku ji ber li bajêr gaza xwezayî û amûrên germkirinê yên bi ceryanê dişoxilin berbelav bûne, nikarin sobeyên çê dikin bifiroşin.
* Lêkolînera Mafên Penaber û Koçberan Anna Shea, ji bo îdiaya ku tê gotin wê penabrên sûriyeyî bi zorê "li herêma biewle" bên bicihkirin got, ev îdia bi tenê jî xofekê dixwe dilê mirov.
* Rojnamevan Huseyîn Aykol ku piştî Pakêta Darazê ya nû ket meriyetê hat berdan, got: "Ji ber gelek rojnamevan girtî ne, di qada rojavayê de Tirkiye ditengije. Em ê ji Ewropayê bi deyn pereyan bînin. Di mijara penaberan de pêdivî bi gelek pereyan heye. Ji bo vê jestek kirin û bi awayekî demborî em berdan."
* Li Girtîgeha Kurkçulerê, DAIŞ'î û PKK'yiyan xistine heman korîdorê û qada wan î hevdîtinê jî heman qad e. Dozgeriyê ji bo vê yekê got, "ji bo pêşî li ber pêwendîdanîneke rêxistinî bê girtin" bi fermana Wezareta Dadê pêkanîna "tevlihev bike" xistiye dewrê.
* 10 karkerên li Herêma Pîşesaziyê ya Serbest a Tûzlayê dixebitîn û ji kar hatin derxistin, ji bo vegerin ser karê xwe her sibeh diçin ber fabrîkayê û doza karê xwe dikin.
* Li Pirsûsê, polîsan mînîbusa karkeran gulebaran kiribû. Piştî çend mehan bi îdiaya "birîndarkirina bi qesdî" derbarê 18 polîsan de lêpirsîn hat destpêkirin. Parêzer Adnan Yapici, diyar kir ku li cihê bûyerê 69 qewanên fîşekan hatine dîtin û got, ev ne bi qesda "birîndarkirinê", bi qesda "kuştinê" hatiye kirin.
* Di ser koça Kadrî Kaya (Mamoste) ku tam 18 salan bênavber di çapemeniya azad de xebitî, salek derbas bû. Hevpîşe û hevrêyên wî bal kişandin ser helwest, sekn, dîsîplîn, pratîk û keda wî ya di çapemeniya azad de.
* Rojnameger û nûnerên saziyên civakî, dê di 1'emîn salvegera vefata Mamosteyê çapemeniya Kurd Kadrî Kaya de li ser gora wî ya Goristana Yenîkoy a Amedê bibîr bînin. (11.00)
* Karkerên Şaredariya Uskudarê yên ji kar hatin avêtin, ji bo karê xwe paşve bixwazin dê li pêş şaredariyê daxuyaniyê bidin çapemeniyê. (11.00)
* Platforma Şaxan a KESK'ê ya Amedê dê têkildarî KHK'ya di 29'ê Cotmeha 2016’an de hat îlankirin, li kolana Hunerê ya Amedê daxuyaniyê bidin çapemeniyê. (12.30)
* Piştî tayînkirina qeyûm a Şaredariya Cizîrê tê payin ku HDP têkildarî tayînkirina qeyûm daxuyaniyê bide çapemeniyê.