Li Mêrdînê Nobeta Demokrasiyê ya li dijî tayînkirina qeyûman a ser şaredariyên Partiya Demokratîk a Gelan (HDP), li Mêrdînê di roja 32'emîn de berdewam kir. Polisan bi hinceta dirêjkirina qedexeya "çalakiyan" a Walîtiya Mêrdînê, avahiya HDP'ê ya bajar dorpêç kirin. Ji ber vê sedemê HDP'iyan çalakiya xwe li ber avahiya HDP'ê ya bajar li dar xistin. Parlamentera HDP'ê ya Colemêrgê û Hevseroka Kongreya Civaka Demokratîk (KCD) Leyla Guven tevlî çalakiyê bû û axaftinek kir.

 

'EV NE GEF RASTÎ YE'

 

Hevserok Guven diyar kir ku li her derê bi dorpêça polisan tê xwestin ku dengê HDP'ê birîn û wiha got: "Em dipirsin ev tirs çî ye? Tişta we ditirsîne çî ye? Çima dema ku HDP û kurd diaxivin hûn ditirsin? Hûn çima dora me dorpêç dikin? Hûn çi dikin bikin, em ê heqîqetê biqîrin. Em rastiya ku bi polîtîkayên ewlehiyê ev pirsgirêk çareser nabe biqîrin. Gelê kurd têkoşîna ku li dijî Dehaqê zalim daye dê li dijî we jî bide." Guvev da zanîn ku ji ber ku gotiye HDP îtîat nake tê xwestin ku bê lînçkirin û ev tişt anî ziman: "Heta ku Pirsgirêka Kurd bi rêyên demokratîk neyê çareserkirin dê êş berdewam bikin. Em destûr nedin vê yekê. Em tev bi hev re li dijî vê yekê rawestin. Li her dera dinyayê rewşê wiha çêbûne û bi aklê hevpar û rêyên demokratîk çareser bûne. Dema em van tiştan tînin ziman dibêjin ku em gefan dixwin. Ev ne gef, rastî ye."

 

 

‘ÊN CIWANAN DIŞÎNIN ÇIYA NE EM IN'

 

Di berdewamê de Guven qala tayînkirina qeyûman kir û têkildarî mijarê ev tişt gotin: "Pêşiyê bingehê amade dikin, dû re keviran datînin û paşê jî şaredariyan xesp dikin. Li dijî kurdan konseptên nû tên amadekirin. Ji serê sibehê heta êvarê kesên ku nayên zanîn kî ne li ser navê kurdan didin axaftin. Tê angaştkirin ku em bi ciwanan re diaxivin û wan dişînin çiya. Ev konsept ne ji bo yekitiya Tirkiyeyê ne. Di rastiyê de yên ku bi ciwanan re diaxivin û wan dşînin çiya ne em in. Kesê bi axaftinê vê yekê pêk tîne Suleyman Soylû bixwe ye. Zimanê cihêkirinê û televîzyonê êdî ciwanan ji canê wan dide acizkirin. Ji ber ku Bulent Arinç vê rastiyê destnîşan kir jê re gotin, 'di wê de here'. Vana timik hewl didin ku ser rastiyan bigirin."

 

 

‘PÊŞÎ DEMOKRATÎKBÛN’

 

Guven daxuyaniyên desthilatê yên têkildarî CHP'ê jî nirxand û axaftina xwe wiha domand: "CHP ne zelal e. Heta ku dengê xwe li dijî tundiyan bilind neke siûda wê ya ku bê ser desthilatê tuneye. Demokratîkbûna Tirkiyeyê pêwistiya lezgîn e. Dê bi demokratîkbûna Tirkiyeyê re Pirsgirêka Kurd di nav xwe de çareser bibe. Ji ber vê yekê tişta ku em dixwazin bikin jî demokratîkbûn e. Di rewşeke wiha de dê dayik ji bo çareseriyê neyên ber derê HDP'ê. Wê demê dayik neçar nemînin ku zarokên xwe winda bikin."

 

'TIRSA NE JI HESÎN HEBÛYA EM LI TRÊNÊ SIWAR NEDIBÛN'

 

Guven diyar ku kesên ji hesin bitirsin nikarin li trênê siwar bibin û axaftina xwe bi van gotinan bi dawî kir: "Em lê siwar bûne û ev trên niha gav bi gav ber bi azadiyê ve diçe. Di dîrokê de kesên di polîtîkayên ewlehiyê de sirar kirine çûne ser sergoyên dîrokê. Lê gelan li cihên xwe jiyana xwe domandine. Heke darizandineke bê kirin divê kujerên Roboskî, Dayika Taybet û Şêrzemînên Cizîrê bên darizandin."

 

Piştî axaftina Guven çalakî bi dirûşmeyan bi dawî bû.