NAVENDA NÛÇEYAN - Zêdetirî 30 wekîlên ji Çep, Kesk û Sosyal Demokratan pêşnûmeyek pêşkêşî Nûnerê Bilind ê YE’yê kirin û gavên pêwîst ên ku divê YE’yê piştî daxuyaniya bêçekbûnê ya PKK'ê biavêjin jê pirsîn.
Zêdetirî 30 parlamenterên ji komên Çep, Kesk û Sosyal Demokrat ên Parlamentoya Ewropayê, di 21’ê Mijdara 2025’an de li ser helwesta saziyên Ewropayê ya piştî daxuyaniya PKK'ê ya ji bo "terikandina têkoşîna çekdarî û meşandina karên siyasî bi rêbazên demokratîk" pêşnûmepirseke berfireh pêşkêşî Parlamentoya Ewropayê kir. Parlamenteran xwestin Nûnerê Bilind ê Polîtîkaya Ewlekarî û Têkiliyên Derve ya Yekitiya Ewropayê Josep Borrell bersiva pirsên wan bide.
MÎNAKA FARC’Ê BI BÎR XISTIN
Per Clausen, Leoluca Orlando, Ozlem Demîrel, Martin Schirdewan, Manon Aubry, Andreas Schieder, Thijs Reuten û Diana Riba i Giner jî di nav de parlamenteran diyar kirin ku biryara PKK'ê ya ji bo danîna çekan ji aliyê Yekitiya Ewropayê ve bi erênî hate pêşwazîkirin lê belê ji bo pêşîvekirina li aştî û çareseriyê divê gavên hîn şênber bêne avêtin. Parlamenteran mînak nîşan dan ku Konseya Ewropayê di sala 2017'an de li Kolombiyayê piştî ku FARC'ê çek danî rêxistin ji “lîsteya terorê” derxist û ji Yekitiya Ewropayê xwestin ku pêvajoyeke bi heman rengî ji bo PKK'ê jî bê destpêkirin.
DÊ PÊVAJO KENGÎ DEST PÊ BIKE?
Di pêşnûmeyê de ji Borrell hate xwestin ku bersivê bide bê kengî pêvajoyeke weke ya FARC'ê ji bo PKK'ê bide destpêkirin ku ji lîsteya terorê ya Yekitiya Ewropayê dexîne, her wiha organên polîtîkaya derve ya Ewropayê ji bo piştgiriya yekser a bi pêvajoya aştiyeke mayinde û tevgir a li Tirkiyeyê kîjan gavên şênber biavêje.
Parlamenteran destnîşan kirin ku gava PKK'ê avêtiye ji bo aştiya herêmî firsendeke girîng e û diyar kirin ku helwesta saziyên Yekitiya Ewropayê di vê qonaxê de nîşan bidin wê li ser pêvajoyê diyarker be.
PARLAMENTERÊN PÊŞNÛME ÎMZE KIRIN
Parlamenterên ku pêşnûme îmze kirin ev in: “Per Clausen (Koma Çep), Leoluca Orlando (Kesk/Tifaqa Azad a Ewropayê), Andreas Schieder (Sosyal Demokrat), Leila Chaibi (Koma Çep), Hanna Gedin (Koma Çep), Danilo Della Valle (Koma Çep), Kathleen Funchion (Koma Çep), Thijs Reuten (Sosyal Demokrat), Merja Kyllönen (Koma Çep), Li Andersson (Koma Çep), Jussi Saramo (Koma Çep), Günther Sidl (Sosyal Demokrat), Elisabeth Grossmann (Sosyal Demokrat), Matjaz Nemec (Sosyal Demokrat), Rudi Kennes (Koma Çep), Lynn Boylan (Koma Çep), Sebastian Everding (Koma Çep), Martin Schirdewan (Koma Çep), Ozlem Demîrel (Koma Çep), Damien Carême (Sol Grup), Anthony Smith (Koma Çep), Manon Aubry (Sol Grup), Emma Fourreau (Koma Çep), Benedetta Scuderi (Kesk/Tifaqa Azad a Ewropayê), Mimmo Lucano (Koma Çep), Ilaria Salis (Koma Çep), Pernando Barrena Arza (Koma Çep), Isabel Serra Sánchez (Koma Çep), Diana Ribai Giner (Kesk/Tifaqa Azad a Ewropayê), Ana Miranda Paz (Kesk/Tifaqa Azad a Ewropayê) û Marco Tarquinio (Sosyal Demokrat)”