NAVENDA NÛÇEYAN - Pirtûka “Çîroka Zarokên Roj û Agir I” ya hunermend Rotînda ku ji gotin, nota û çîrokên 50 berhemên wî pêk tê, hate weşandin. 

 

Pirtûka "Çîroka Zarokên Rojê û Agir I" ya hunermend Rotînda ku ji gotin, nota û çîrokên 50 stranên Rotînda pêk tê hate weşandin. Pirtûkê, Rotînda û aranjor Merdan Zirav bi hev re amade kirin. Notasyonên stranan û grafîka pirtûkê Merdan Zirav amade dike, gotinên stranan û çîrokan jî Rotînda dinivîse. Pirtûk bi mezinahiya A4 û 142 rûpel e. Ji bo ku muzîkjen dema li ser dikê ne rûpelan bi hêsanî biguherînin, kêlekên pirtûkê bi spiralê hatiye girêdan.

 

Berhemên di pirtûkê de cîh digirin:

 

“Lo Vedat, Çar Stêrk, Dîrok, Yekitî, Gulê, Egîd, Kedkar, Şervanê Gelê Me, Dildarê Min, Bê Te Nabe, Dilşo, Sîser, Bawerî, Oxir Be, Çima Tenê, Delala Min, Qêrîn, Gerîla, Koçberî, Zîlan, Çarçela, Benda Te Me, Veqetin, Sê Jinên Azad, Êvarda, Avaşîn, Bihişt, Li Te Geriyam, Carna, Biçilmisî, Avî, Erdal Heval, Welatê Min, Gimgim, Nîvcû, Şev Nîvê Şevê, Newroz, Axîn, Ji Kerema Xwe, Ya Star, Roboskî, Koîro, Kurdim, Tekoşîna Jin, Dîlanê, Wenda, Sakîne, Heval Atakan, Nabihîsin.”

 

Rotînda van stranan di navbera 1990-2019an de dinivîse û beste dike. Di pirtûkê de hatiye nivîsandin ku kîjan stran kengî û li ku hatiye çêkirin.

 

Ji bo pirtûka "Çîroka Zarokên Rojê û Agirî I" dê di 27’ê Kanûna Pêşîn de li Hannoverê û di 14’ê Çileyê de jî li Baselê roja şanenavê were lidarxistin.

 

ROTÎNDA KÎ YE?

 

Rotînda Yetkîner, 35 sal in di nava muzîka Kurdî de xebatan dike. Di sala 1962’yan de li navçeya Gimgimê ya Mûşê ji dayik bû. Di sala 1991’an de di avakirina Navenda Çanda Mezopotamyayê (NÇM) de cih girt. Sê salan li wir mamostetiya muzîkê kir û di koroya zaroakn de perwerdekarî kir. Tevî Merdan zirav, Koma Mezra Botan ku koma fermî ya ewil a NÇM’ê ye ava kir. Di navbera salên 1995 û 1996’an de jî nêzî salek û nîvan di MED TV’yê de xebitî.