Hevserokê Giştî yê HDP'ê Selahattîn Demîrtaş û Parlamenterê HDP'ê Abdullah Zeydan, peyam ji Koma HDP'ê ya Meclîsê ku rastî barîkata polisan hat re şandin. Demîrtaş û Zeydan, di peyamê de diyar kirin ku AKP ne Metalê Westiyayî, bi jahriya metanê ketiye.
Parlamenterê HDP'ê yê Amede Nîmettullah Erdogmuş, der barê êrîşên li dijî Herêma Kurdistana Federe û heqaretên li gelê kurd tên kirin axivî. Erdogmuş, destnîşan kir ku li hemberî mudaxaleya dagirker bêdeng namînin û wiha got: "Em li dijî dagirkirinê bê helwest namînin. Ger ku Herêma Kurdan yek qezenç dike, Tirkiye 3 qat qezenç dike. Ger ku Tirkiye ambargo dîne dê 3 qat winda bike."
Hiqûqnasê Makeqanûnê Mîthat Sancar bal kişand ser referanduma li Herêma Federal a Kurdistanê û got ku "Serxwebûnê dest pê kirine", "Pêvajoya Sykes-Pîcot rûxiya ye" û aşkera kir ku mafê tu hêzî tune ku êkrîşê Herêma Federal a Kurdistanê bike.
Hat zanîn ku dê carek din ji nû ve Parlamenterê HDP’ê yê Qersê Ayhan Bîlgen bibe berdevkê HDP’ê. Piştî Bîlgen hat girtin ev demek bû Parlamenter Osman Baydemîr berdevkiya HDP’ê dikir. Di nav CHP’ê de jî dê hin peywîr bên guhertin.
Berdevkê HDP’ê Osman Baydemîr, agahî da ku dê tevlî merasîma vekirina Meclisê nebin û di 1’ê Cotmehê de koma wan li ber Girtîgeha Edirneyê bin.
Roja yekem a 7'emîn kongreya PYD'ê bi dawî. Kongre di roja duyemîn de bi hilbijartina meclîsa partiyê didome.
HDK encamnameya Civîna Asayî ya Meclîsa Giştî ya 4’emîn aşkere kir. HDK diyar kir ku divê li dijî faşîzmê, zemîna hevgirtina têkoşîna demokrasiyê bê avakirin û carek din peyama avakirina “Eniya Demokrasiyê” hat dayîn.
Meclîsa Tirkiye ku bi guhertina rêziknameya navxweyî ket betlana havînê, di 1'ê Cotmehê de dest bi salê dike. Di serdema nû de parlamenter dê nikaribin her tiştî li meclîsê biaxivin. Wekîl, ger ku gotinên li dijî rêziknameyê biaxivin dê rastî ceza bên.
8 sal di ser kuştina Ceylan Onkol a 12 salî re derbas bû. 8 sal derbas bûn, lê di milê darazê de der barê doza Onkal de tu pêşketin pêk nehatin. Tu berpirsiyarê kuştinê nehatin cezakirin. Malbata têkoşîna hiqûqê dide jî di bin zextan de dijîn.
Li Tirkiyê ji nava partiyan tenê HDP’ê piştgirî da referandûma serxwebûna Kurdistana Federe. HDP diyar kir ku divê Barzanî rûyê rast ê AKP’ê bibîne û got: “Êdî pêwîste Barzanî bêtir siyasetek û seknek netewî bide nîşandan.”
Endamê Rêvebir a Desteya TEVDEM'ê Aldar Xelîl, têkildarê hilbijarên Bakurê Sûriyeyê nirxandin kir û diyar kir ku serkeftina projeya Sûriyeya Demokratîk stratejiyek girînge.
Berdevkê Meclîsa Aştiyê ya Tirkiyeyê Hakan Tahmaz anî ziman ku sedema ku Tirkiye li Deriyê Sînor ê Xabûrê leşkeran bi cih dike ew e ku bes ji bo destûrê nede destketinên kurda û wiha got: “Tirkiye polîtîkaya dijberî kurdan ji kirasê polîtîkaya hundurîn derxist.”
Parlamenterên HDP’ê Mahmut Togrul û Meral Daniş Beştaş bertek nîşanî tezkereya operasyona derveyî sînor a sewqî meclise hat kirin dan û gotin: “Tirkiyeye naxwaze konekî kurdan jî hebe.”
Berdevkê HDP'ê Osman Baydemir, helwesta AKP û CHP'ê ya li diji referandumê rexne kir û diyar kir ku ew dê ji teskereya dervê sînor re bêjin na. Baydemîr, anî ziman ku çareseriya pirsgirêka kurd li DYA nayê gerîn, biçin li Îmraliyê bigerin.
Xebatên yekitiya neteweyî ya bi pêşengiya Kongreya Neteweyî ya Kurdistanê hatiye destpêkirin bi hemû leza xwe didome û ji bo gelê Kurd ji qirkirinê xilas bibe, yekitiya neteweyî tê ferzkirin.