Hevserokê Giştî yê DEM Partiyê Tuncer Bakirhan destnîşan kir ku divê gelên Sûriyeyê bi xwe pêşeroja xwe diyar bikin û wiha got: “Dev ji dijminatiya li Kurdan berdin. Pirsgirêka esasî ya ewlehiyê, ew zîhniyete ya ku Kurdan tune dihesibîne.”
Hevserokê Giştî yê DBP’ê Keskîn Bayindir, got: “Roj roja berxwedan, xwebirêxistinkirin û çalakiyan e.” Hevseroka Giştî Çîgdem Kiliçgun Uçar jî wiha got: “Ne gotinên berê gel didin hev, mîna birêz Ocalan gotinên gelan lihev dicivînin bikin.”
Berdevkê KKP'ê Yasîn Yetîşgen diyar kir ku hevdîtinên ji bo çareseriya pirsgirêka kurd girîng in û got: "Ji bo ku bi awayekî baştir tevkariyê li pêvajoyê bike, divê Abdullah Ocalan bi temamî azad bibe."
Şaredarê berê yê Şaredariya Bajarê Mezin a Îzmîrê Tûnç Soyer diyar kir ku temînata aştiyê demokrasî ye û got: "Desthilat dê hewl bide dek û dolabên xwe bidomîne, lê plana me diyar e. Divê em nakokiyên di navbera xwe de bidin aliyekî û mil bi mil dest bi têkoşînê bikin."
Endamê Meclisa HDK'ê Sedat Şenoglû diyar kir ku ji bo civakîkirina aştiyê dê çalakiyên weki konferansên aştiyê û kampanyayên îmzeyan li dar bixin û got: “Em bi perspektîfa ku birêz Ocalan gotiye, mîsyonekê li xwe bar bikin. Em ê di vê çarçoveyê de rola xwe bilîzin."
Hevdîtina Şandeya Îmraliyê ya DEM Partiyê ya bi Serokê Giştî ya Partiya DEVA’yê re bi dawî bû. Babacan, piştî hevdîtinê got: “Em ê piştgiriyê bidin her gava cidî tê avêtin.” Sirri Sureyya Onder jî got ku di serdana nû ya li Îmraliyê de Ahmet Turk jî dê cih bigire.
Hevseroka Giştî ya DEM Partiyê Tulay Hatîmogûllari li Meclisê axivî û wiha got: “Nêzikatiya rast a li dijî pirsgirêka Kurd di serî de muxalefetê dê her kesî pir mezin bike.”
DBP dê di serdema nû de rêya xwe bi Hevserokên Giştî yên heyî Çîgdem Kiliçgun Uçar û Keskîn Bayindir bidomîne.
Hevseroka Giştî ya DEM Partiyê Tulay Hatîmogûllari diyar kir ku di qonaxeke dîrokî de ne û wiha got: “Em bangî aqilê dewletê dikin; bi hevdîtineke li Îmraliyê nabe, divê deriyên Îmraliyê bên vekirin û zemîna ku birêz Ocalan bikare bixebite bê avakirin.”
Prof. Mehmet Bekaroglû diyar kir ku hewceye derdorên siyasî di mijara çareseriya pirsgirêka Kurd de “teng û li gorî hesabên demkî” tevnegerin û wiha got: “Divê rêya siyaseta serbest bi temamî were vekirin û qanûn bên amadekirin.”
Parlamenterê CHP’ê Sezgîn Tanrikulu diyar kir ku nediyar e bê ka dewlet ji bo pêvajoya nîqaş li ser tên kirin çi difikire û wiha got: “Em li gel diyaloga çêker in û dê helwesta me ya ji bo diyalogê bidome.”
Şandeya Îmraliyê ya DEM Partiyê duh bi Serokê Meclisê û Serokê Giştî yê MHP’ê re hevdîtin kir. Bernameya şandeyê ya serdana partiyên din diyar bû.
Hevdîtina di navbera Şandeya Îmraliyê ya DEM Partiyê û Serokê Giştî yê MHP’ê Devlet Bahçelî bi dawî bû.
Şandeya Îmraliyê ya DEM Partiyê ku li ser pêşniyara Rêberê PKK’ê Abdullah Ocalan dest bi hevdîtinên bi partiyên siyasî re kir, hevdîtina duyemîn bi Serokê Giştî yê MHP’ê Devlet Bahçelî re kir.