Kesên ji bo “Meşa Mezin a Azadiyê” ji Qers û Wanê derketin rê, di roja 13’emîn de li Amedê gihiştin hev. Meşvanên ku tevî sir û seqema zivistanê jî meşa xwe domandin, li Amedê bi dirûşma “Bijî azadî” hatin pêşwazîkirin.
Parlamenterê DEM Partiyê yê Mûşê Sezaî Temellî, diyar kir ku ji bo çareseriya pirsgirêkên li Kurdistan, Tirkiye û Rojhilata Navîn divê azadiya fizîkî ya Rêberê PKK'ê Abdullah Ocalan bê misogerkirin û da zanîn ku heta azadiya fizîkî ya Abdullah Ocalan pêk were wê çalakî bidomin.
Tehliyeya siyasetmedara girtî Ozlem Demîr ji hêla Lijneya Rêveberî û Çavdêriyê ya Sîncanê ve hate astengkirin. Lijneyê, ev pirs ji Demîr kir: “Tu cotkarî, çi karê te di nava siyasetê de heye?”
Wekîla Parlamentoya Îspanyayê Laura Castel, diyar kir ku li dijî Rêberê PKK’ê Abdullah Ocalan tecrîdeke di cîhanê de mînaka wê nîne tê pêkanîn û wiha got: “Îmrali, li ser axa Konseya Ewropayê çalereşeke.”
Girtî Sevînç Sonmez ji bo tedawiyê birin Nexweşxaneya Kampûsa Sîncanê û xwest di dema tedawiyê de kelemçen bê derxistin. Bijîşkê nexweşxaneyê li Sonmez ferz kir ku jê re bibêje “Ketim bextê te ku tu kelemçeyê derxînî.” Piştî Sonmez ev daxwaz red kirî, nehat tedawîkirin.
Rojnameger Silêman Ehmed di 25’ê cotmehê de ji hêla asayîşa PDK’ê ve hate revandin û 113 roj in tu agahî jê nayên girtin.
Çalakiya greva birçîbûnê ku girtiyên siyasî bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd bi rêyên demokratîk daye destpêkirin di roja 80’yan de berdewam dike.
Parêzer Cemal Demîr diyar kir ku bi komploya li dijî Rêberê PKK'ê Abdullah Ocalan re hatiye xwestin ku şerê li Kurdistanê kûr bibe û got ku bi helwest û berxwedana Îmraliyê komplo pûç bûye.
Parêzer Haşîm Togûrlû ku bi daxwaza hevdîtinê bi Rêberê PKK'ê Abdullah Ocalan re bike serî li Wezareta Dadê da, got: "Azadiya fizîkî ya birêz Ocalan wê rê li ber aştiya civakî veke."
Mehmet Ekîncî yê ku berê ji AKP'ê Şaredarê Eyyubiyeyê bû, ji aliyê Partiya Refahê (YRP) wekî namzetê şaredariyê hat nîşandan. Ekîncî yê ku Wezareta Karên Navxweyî destûr neda bi sûcdariya "binpêkirina îhaleyê" û "îstîsmarkirina wezîfeyê" der barê wî de lêpirsîn bê destpêkirin, ji ber sûcê "gef" li Noûrîa E.H. ya spanî xwariye û "heqaret" lê kiriye, tê darizandin.
Di encama serdegirtinêm malan ên li Amed û Êlihê de gelek kes hatin binçavkirin.
Hevserokê Şaxa SES'ê ya Rihayê Ferhat Demîr diyar kir ku Nexweşxaneya Zanîngeha Haranê di bin navê 'bexşên mecbûrî' de ji nexweşan pere distîne û di vê der barê de gelek nexweşên giliyê xwe ji wan re gotine û got ku ji nexweşan girtina pereyan ne li gorî hiqûqê ye û sûc e.
TJA’yê der barê hişmendiya zayendê û dîroka jinê de bernameya xwendinê pêk anî.
Li Mersînê ji 14 kesên hatibûn binçavkirin 2 kes bi îdiaya "endamtiya rêxistinê" hatin girtin.