DEM Partiyê biryar girt ku li navenda Edeneyê û 4 navçeyên wê namzetiyê deyne. Parêzer Ayşe Zîlan bû namzeta Hevşaredariya Şaredariya Bajarê Mezin a Edeneyê ya DEM Partiyê.
Koordînasyona Şopandinê ya Grevên Birçîbûnê ya Amedê ku der barê girtîgehên li 5 bajaran de raporek amade kir, diyar kir ku girtiyên di greva birçîbûnê de di hucreyên yekkesî de tên girtin, vîtamîn an kêm tên dayîn an jî qet nayên dayîn û kontrolên bijîşkan jî heya îro nehatine kirin.
Nobeta Edaletê ya bi armanca azadiya fizîkî ya Rêberê PKK’ê Abdullah Ocalan û çareseriya demokratîk a pirsgirêka kurd hatiye destpêkirin didomin. Çalakgeran û beşdarvanan ev peyam da: “Em ji bo azadiya Abdullah Ocalan li vir in.
Alên DEM Partiyê yên bi buroya hilbijartinê ya navçeya Kuluyê ve hatibûn daliqandin, ji hêla kesên nediyar ve hatin jêkirin.
DEM Partiyê biryar girt ku li Îzmîr, Mûgla û Balikesîr û hemû navçeyên wan bi namzetên xwe bikeve hilbijartinê. Namzetê Hevşaredariyê yê Bajarê Mezin ê Îzmîrê bû Akin Bîrdal.
Namzetê şaredariyê yê Elkê Kamîl Durmuş ê navê wî tevî polîs û xebatkarên raya giştî, bi diziya 643 mîlyon lîreyan ketibû rojevê, bi riya qeymeqam û rayedarên leşkerî, zextê li eşîrên ku deng nadin wan dikin.
Parêzerên Bûroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan ku 35 meh in tu agahî jê nayên girtin, serî li Serdozgeriya Komarê ya Bursayê û Midûriyeta Girtîgeha Îmraliyê dan.
Astengdarê hiş Mesût Ozdemîr ê du roj berê danê êvarê li Amedê winda bûbû, hate dîtin.
Sînan Sutpak ê 31 sal in di girtîgehê de tê ragirtin û diviya par bihata berdan, bi hinceta “Enerjiya wî ya jiyanê kêm e” nayê berdan.
Dozger, di doza derbarê parlamentera HDP’ê ya barê Çaglar Demîrel a bi hinceta “heqareta serokkomar” hatibû vekirin de , xwest Çaglar beraet bike.
DEM Partiyê bi boneya 21’ê Sibatê Roja Ziman a Dayikê ya Cîhanê bi 7 zimanan komcivîna xwe li dar xist. Hevserokê Giştî yê DEM Partiyê Tûncer Bakirhan ê di komcivînê de bi kurdî axivî wiha got: "Zimanê me ne zimanekî 'nayê zanîn û nayê fêmkirine'. Zimanê me xeta me ya sor e.Em kurd dixwazin zimanê me bibe zimanê fermî."
Hate diyarkirin ku li Girtîgeha Tîpa F a Unyeyê di şewata duh bi şev li qawişekê derket de 22 girtî û 7 gardiyan bi bandor bûne.
Hevserokê Giştî yê DEM Partiyê Tûncer Bakirhan dê bi boneya 21’ê Sibatê Roja Zimanê Dayikê ya Cîhanê di komcivîna xwe ya heftane de bi kurdî biaxive.
Aktîvist Dr. Thoreau Redcrow anî ziman ku azadiya fizîkî ya Ocalan dê bi xwe re aştiyek mayinde, çareseriyek mayinde ava bike û got: “Destpêkirina muzakereyan dê bibe çareserî ku Komara Tirkiyeyê ji pirsgirêkan xelas bike.”
Şandeya “Çareseriya Pirsgirêka Kurd û Delegasyona Navnetewî ya li Dijî Tecrîdê” ku ewilî serdana Buroya Hiqûqê ya Sedsalê kir, ev bang kir: “Em pêkanîna tecrîdê weke binpêkirina hiqûqa navnetewî dibînin. Êdî dem dema berdana Abdullah Ocalan e.”