Hejmara 221’emîn a Rojnameya Xwebûnê bi manşeta “Lekeya 36 serran a sîyaye” derket. Rojnameyê bi minasebeta 36’emîn salvegera komkujiya Helepce bal kişand ser komkujiyên li dijî kurdan û hêzên li pişt komkujiyê.
Li Taxa 14’ê Mijdarê ya Îdirê bi coşeke mezin şahiya gel hate lidarxistin û wiha hate gotin: “Em ê serkeftina xwe dîsa pîroz bikin.”
Platforma Tenduristiyê ya Amedê û xwendewanên tipê dixwînin di çarçoveya 14’ê Adarê Cejna Tipa Alternatîf de li Amedê şahiyek li dar xistin.
Navenda Giştî ya DEM Partiyê bi gotina “Ji HEP’ê heta DEM’ê meşa azadiyê didome!” vîdeoyek parve kir.
Ji bo Cejna Newrozê ya ku dê bi dirûşma “Rabe dema azadî û serkeftinê ye” were pîrozkirin bi hashtaga #RabeNewrozHat kampanya hate destpêkirin.
DEM Partiyê di çarçoveya xebatên hilbijartinê de li ODTU’yê foruma “Bajarên Azad” li dar xist, li navçeya Keçîoren a Enqereyê û navçeya Karatay a Konyayê jî buroyên hilbijartinê vekirin.
Li navçeya Demre ya Antalyayê saet di 16.55’an de bi pileya 4.7 erdhej çêbû.
Yek ji 4 endamên ESP’ê yên bi serdegirtina malê de hatibûn binçavkirin Gokçe Otlû hate binçavkirin.
Amedsporê li sehaya xwe bi Arnavutkoy Belediyesporê re lîst û 5-1 têk bir.
Hevserokê Giştî yê DEM Partiyê Tûncer Bakirhan ê di hevdîtina bi gel re ya Tetwanê de qala girîngiya hilbijartina 31’ê Adarê kir, wiha got: “Ev hilbijartin, hilbijartineke di navbera tifaqa JÎTEM’ê û gelê kurd ê dibêje ‘Ez kurd im, mirov im, dixwazim bi awayekî wekhev bijîm. Dixwazim ziman û çanda xwe bi awayekî azad bijîm’ de ye.”
Namzetên hevşaredariyê yên DEM Partiyê di tevahiya rojê de gund bi gund û navend bi navend xebatên hilbijartinê kirin.
Ji çalakvanên Nobeta Edaletê Meryem Soylu diyar kir ku pirsgirêka kurd di heman demê de pirsgirêka gelan e û wiha got: “Ji bo çareserkirina vê pirsgirêkê divê tavilê tecrîd bi dawî bibe.”
TUAY-DER bi tevlibûna gelek kesan çû serdana Mehmet Emîn Turk û Şeref Turk ku piştî 30 salan hatin tehliyekirin.
Piştî eşkerekirina deklarasyona Newrozê li navçeya Bismilê agirê Newrozê hate vêxistin.