Çalakiya greva birçîbûnê ku girtiyên siyasî bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd daye destpêkirin di roja 109’emîn de berdewam dike.
Gelê kurd ê di Newrozan de daxwaza xwe ya azadî, edalet û aştiyê bilind dike, her tim li dijî zext û zodariya Dehaqan, bi Kawayên Hemdemî yên agir berdane bedena xwe ve, têkoşîna azadiyê gur dikin.
Hunermendê NÇM'ê Engîn Cengîz ê ji bo pîrozbahiya Newrozê bang kir, diyar kir ku ev Newroz wê bibe destpêka rakirina tecrîda li ser Abdullah Ocalan û got: "Em bang li gelê xwe dikin ku li her derê li qadan bersiva Dehaqên modern û zaliman bide."
Newroz dê di 17'ê adarê de li quntarên Keleha Wanê bê pîrozkirin. Welatiyên ku dê beşdarî pîrozbahiyê bibin diyar kirin ku ew ê ji bo azadiya Abdullah Ocalan û bidawîkirina tecrîdê biqîrin.
Dê di 15’ê Adarê de li bajarên herêma Egeyê pîrozbahiyên Newrozê dest pê bikin. Serokê Komîteya Amadekar a Newroza Îzmîrê Hacay Yilmaz got: "Em dixwazin gel bi ruhê Rahşan û Zekiyeyan ber bi Newrozê ve biherikin."
Namzetê Hevşaredariyê yê Mêrdînîkê yê DEM Partiyê Serkan Yilmaz diyar kir ku 20 sal in li navçeya ku ji aliyê AKP'ê ve tê birêvebirin tu xizmet nayê kirin û got: "Eger em bên hilbijartin, tiştên ku di 20 salan de nnekirine, em ê di 5 salan de bikin."
DEM Partî, ji bo hilbijêrên livdar bibe ser sindoqê bênavber dixebite. Endamê Komîsyona Hilbijêrên Livdar Edîp Bînbîr got: "Nebêjin 'Ez neçim ser sindoqê jî dibe.' Em bi hev re dersekê bidin polîtîkayên kedxwar û qeyûman."
Şahidên Newroza Cizîra Botan a sala 1992'yan diyar kirin ku tevî her cureyên êrişê, komkujî û zextê jî xelkê Cizîrê berxwedaneke dîrokî raber kirin û wiha gotin: “Berxwedana wan rojan rêya me vekir û bû ronahiya roja me.”
Rojnameger Botan Germiyanî diyar kir ku Tirkiye bi hedefgirtina gundên ser sînor re dixwaze van gundan vale bike û wiha got: “Ji ber êrişan 161 gund hatine valakirin û 602 gund jî li ber valakirinê ne. Dewleta tirk amadekariya êrişa li dijî Garê dike.”
Li navçeya Kocasînan a Kayseriyê li dijî wesayîta hilbijartinê ya DEM Partiyê êrişa çekdarî hat kirin. Rêxistina partiyê ya bajar da zanîn ku êrişkar hatiye binçavkirin.
Li bajaroka Qesrikê şivan Mûhammed Nas gava ji bo çêrandina heywanên xwe çû Çiyayê Gabarê, mayin pê de teqiya. Nas bi giranî birîndar bû.
Emîne Şenyaşar ya li ber Wezareta Dadê çalakiya xwe didomîne îro fitara xew li ber wezaretê vekir û derbasî Meclisê bû.
Namzetên hevşaredariyê yên DEM Partiyê Sofya Alagaş û Mehmet Kaysî tax bi tax xebatên xwe didomînin.
Tîma parastinê ya Serokkomarê AKP'î Erdogan qeza kir. Di qezayê de polîsek mir.