Di danişîna doza têkildarî êrişa li dijî malbata Şenyaşar hatiye vekirin de Fadil Şenyaşar ê nêzî 6 sal in di hucreyeke yek kesî de tê ragirtin nehate berdan û danişîn taloqî 7’ê Hezîranê hate kirin.
Kesên di Newroza sala 1992’yan a Nisêbînê de hatin qetilkirin û Rahşan Demîrel ku li Kadîfekaleyê bedena xwe dabû ber agir hatin bibîranîn.
Namzetên hevşaredariyê yên DEM Partiyê di yekemîn salvegera lêhiya li Rihayê de ku 21 kesan jiyana xwe ji dest dabûn, li pêşiya înşeata di nava rûbar de tê çêkirin daxuyanî dan û gotin: “Em ê destûr nedin înşeat di rêgehên rûbaran de tên çêkirin. Em ê rûbaran îstîmlaq bikin."
Hevseroka Giştî ya DEM Partiyê Tulay Hatîmogûllari di Newroza bicoş a li Depê de axivî û wiha bertek nîşanî gotina Erdogan a “teroristanê” da: “Navê xaka kurd lê dijî ‘teroristan’ nîne, navê wê Kurdistan e.”
Hevseroka Giştî ya DBP’ê Çîgdem Kiliçgun Uçar di Newroza Depê de axivî û wiha bal kişand ser rola Abdullah Ocalan a di çareserkirina pirsgirêka kurd de: “Birêz Abdullah Ocalan hêj jî qasidê aştiyê ye.”
Di Newroza Depê de ku bi hezaran kes tev li bûn, peyamên Abdullah Ocalan ên di Newrozên berê de dabûn hatin xwendin.
Hevserokê KCD’ê Berdan Ozturk di Newroza Depê de axivî û got ku aştiyeke birûmet bi azadiya fîzîkî ya Rêberê PKK’ê Abdullah Ocalan pêkan e.
Endamên TJA, DBP, Dayikên Aştiyê, ANYAKAY-DER û DEM Partiyê di nav de, çûn ser gora sembola Newroza sala 1990’an Zekiye Alkanê û ew bi bîr anîn.
Şîna Îsmet Çardak ku yek ji girtiyên nexweş bû û 15 roj berê hatibû berdan, bi girseyî hate ziyaretkirin.
Agirê Newroza 2024’an li bajarê Mazlum Dogan navçeya Depê hate vêxistin.
Di encama serdegirtinên malan ên li Amedê de 2 endamên ESP'ê hatin binçavkirin.
DEM Partî çû şîna malbata zarokê ku li navçeya Basayê di teqîna cismekî nediyar de jiyana xwe ji dest dayî.
Mazlum Dogan û birayê wî Delîl Dogan li ser gorên xwe hatin bibîranîn. Hevserokê Giştî yê DBP’ê Keskîn Bayindir di bîranînê de axivî û wiha got: “Agirê ku Mazlum Dogan vêxistibû îro bûye meşaleya azadiyê.”
Li devera Eceabatê boteke lastîk ku penaber tê de bûn wergeriya. 2 jê pitik bi giştî 8 kesan jiyana xwe ji dest dan.
Endamê Komîteya Rêveber a PKK’ê Mûrat Karayilan got ku dê di çendek rojên pêş de “mizgîniya Newrozê” ragihînin.