Newroza Wanê bi tevlibûna sed hezaran hate pîrozkirin. Yên tev li pîrozbahiyên Newroza Wanê bûne azadiya Rêberê PKK’ê Abdullah Ocalan û çareseriya demokratîk a pirsgirêka kurd xwestin û wiha gotin: “Divê dewlet êdî bizane ka em çi dixwazin.”
Siyasetmedarên di Doza Kobanê de li dijî lêpirsîna girtinê parastin kirin, ji bo Namzeta Hevşaredariyê ya Bajarê Mezin a Enqereyê ya DEM Partiyê Gultan Kişanakê ya dîl girtî deng xwestin.
Fermandariya Giştî ya YPG’ê diyar kir ku dagirkirina Efrînê sûcekî li dijî mirovahiyê bû û ew ê Efrînê dîsa rizgar bikin. Rêveberiya Xweser a Şengalê jî bi daxuyaniyekê dagirkirina Efrînê şermezar kir û banga bidawîkirina dagirkeriyê li raya giştî ya cîhanê kir.
Bi sedan kes bi cilên xwe yên netewî tev li Newroza ku piştî 12 salan li Kanîreşê hate pîrozkirin bûn. Parlamenter Salîha Aydenîz a di pîrozbahiya tevî barîna berfê jî coş lê zêde bû de axivî, wiha got: “Heta ku birêz Abdullah Ocalan azad bibe em ê têkoşîna xwe bidomînin.”
Qeymeqamê Elkê Kemal Ulku beriya hilbijartinên rêveberiyên herêmî, li gel bûka namzetê hevşaredariyê yê AKP’î Kamîl Durmuş û Seroka Baskê Jinan a AKP’ê Sevîlay Ataman mal bi mal digere û alîkariyan belav dike.
Zêdetirî milyonek kes tev li Newroza biheybet a Stenbolê bû û daxwaza azadiya fîzîkî ya ji bo Rêberê PKK’ê Abdullah Ocalan mohra xwe li pîrozbahiyê da. Welatiyên tev li pîrozahiyê bûn wiha gotin: “Yên ku dixwazin Ocalan tecrîd bikin û ji gelê kurd dûr bixin, bila li vê qelebalixê binêrin û bibînin ku bi ser neketine.”
Girtiyê nexweş Îsmaîl Tuzun ev 10 roj in di hucreya yekkesî de tê ragirtin.
Rişmil navçeya herî biçûk a Mêrdînê ye û ji salên avabûyê heya niha bi destê partiyên desthilatê tê birêvebirin. Namzetên Hevşaredariyê yên DEM Partiyê diyar kirin ku Rişmil ji guherînê re amade ye û wiha got: “Em bi biryar in, dê bi ser kevin.”
Huseyîn Beyoglû ji roja tayînî Şaredariya Rezanê hatiye kirin heta niha bi nelirêtî û sûcên krîmînal di rojevê de ye. Beyoglû, îcar jî Seroka Baskê Jinan a AKP’ê û endama meclisê Guzel Kizoglû girt şaredariyê.
Li gelek bajaran bi ser malan de hate girtin. Di serdegirtinan de gelek kes hatin binçavkirin.
Derket holê ku Serdozgeriya Komarê ya Rihayê di sala 2021’ê de derheqê rojnameger Nazim Babaoglû de ku 30 sal in winda ye, bi îdiaya “endamtiya rêxistinê” lêpirsîn vekiriye.
DEM Partiyê li navçeya Serêkaniyê bi tevlibûna hezaran kesan pîrozbahî li dar xist.
Rojnameger Silêman Ehmed ku 146 roj berê ji hêla asayîşa PDK’ê ve hate revandin û ev bû 146 roj tu agahî jê nayên girtin.
Çalakiya greva birçîbûnê ku girtiyên siyasî bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd daye destpêkirin di roja 113’an de didome.
Endamê Komîteya Amadekar a Newrozê Îbrahîm Kasûn, anî ziman ku ji bo pîrozbahiyên Newroza ku sibê dê li Dêrsimê bê pîrozkirin amadekarî bi dawî bûne û wiha got: “Tevlibûna zêde ya Newroza Dêrsimê dê bibe nîşaneya serkeftina hilbijartinê.”