Parlamentera Erziromê ya DEM Partiyê Meral Daniş Beştaş ku di serdana dikandaran de axivî, got: "Divê em hemû dengên xwe yên helal li dijî dengên heram bi kar bînin û pêşî li ber hilbijêrên sexte bigirin."
Parlamenterê DEM Partiyê Cengîz Çandar ku di civîna gel a li Pasûrê de axivî, got: "Heya kurd azad nebin, wê azadî neyê Tirkiyeyê." Siyasetmedara kurd Leyla Zanayê jî diyar kir ku ew bi ruhê sala 1991'ê li qadan e û got: "Eger dilê we û jiyaneke hevpar hebe, divê hûn li gel fikira kurdan bin."
Tifaqa Dêrsimê ku DEM Partî jî tê de cih digire, rastî eleqeyeke zêde ya gel tê.
Ciwanên ku li navçeya Seyhan a Edeneyê dema di navbera xwe de diaxivîn û Serokê Giştî yê AKP’ê Tayyîp Erdogan rexne kirin, ji hêla polîsan ve hatin sekinandin û li naverasta kolanê hatin îşkencekirin.
Girtiyên di greva birçîbûnê de ji bo Newroza Rihayê peyam şandin û wiha gotin: “Her çend ku zindan sar û hucre tarî bin jî, dê tu caran agirê di dilê me de venemire.”
Hevserokê Giştî yê DEM Partiyê Tuncer Bakirhan di pîrozbahiya Newroza Rihayê de axivî û wiha got: “Em bi hev re Newroza hembajariyê we, rêhevalê we birêz Ocalan pîroz dikin. Newroza te pîroz be.”
Gel li navçeya Bazarcixê ya Mereşê ku yek ji navenda erdhejê bû, agirê Newrozê geş kirin.
Kesên tev li Nobeta Edaletê ya bi daxwaza azadiya fîzîkî ya Rêberê PKK’ê Abdullah Ocalan hatiye desptêkirin bûn, diyar kirin ku heta polîtîkaya tecrîdê bi dawî dibe dê têkoşîna xwe bidomînin.
Di çalakiya li Stenbolê de ji bo girtiya nexweş Leyla Aygun û di ya Enqereyê de ji bo Sabrî Yilmaz banga berdanê hate kirin.
Gelê Şemzînanê bêyî ku guh bide baran û heriyê, li quntarê Çiyayê Gomanê pîrozbahiya Newrozê li dar xist û got: “Ne ronahiya ampûlê, ronahiya roja me bi têrî me tevand dike.”
Xizmên Windakiriyan li Amed, Êlih û Îzmîrê aqûbeta windakiriyan pirsîn û wiha bertek nîşanî biryara demborinê ya ji bo Doza Pasûrê dan: “Ev biryar bi tu awayî nayê qebûlkirin.”
Siyasetmedara kurd Leyla Zana li navçeya Pîranê bangî gel kir. Zana, silav ji nûnerê fikriyata Rêya Sêyemîn Rêberê PKK’ê Abdullah Ocalan re şand û wiha got: “Rêya Sêyemîn, rêya demokrasî û edaletê ye.”
Hatîce Yildiz a 75 salî bi hinceta “pere şandinê” bi sedyeyê ji malê derxistin û hate girtin. Parêzerê Yildizê, Xebat Demîrcan diyar kir ku, pere di bin kontrola dewletê de hatiye şandin û ji ber vê yekê jî biryara hatiye dayîn, derveyî hiqûqê ye.
Dayikên Şemiyê di çalakiya xwe ya li Qada Galatasarayê de faîlên Hasan Ocak pirsîn ku di 21’ê adara 1995’an de hatibû binçavkirin û ji wê rojê ve agahî jê nayên girtin.
Newroza Rihayê bi coşeke mezin û tevlibûna bi hezaran kesan didome. Di peyamên pîrozbahiyê de hat gotin ku muxatabê çareseriya pirsgirêka kurd Rêberê PKK’ê Abdullah Ocalan e û daxwaza azadiya fîzîkî ya Abdullah Ocalan hat kirin.