Serokê Baroya Amedê Nahît Eren ji bo biryara paşvegirtina mafê îadekirina mafên qedexekirî yê Hevşaredarê Bajarê Mezin a Wanê Abdullah Zeydan got “senaryoyeke ji berê ve hatiye amadekirin” û ev tişt anî ziman: “Ev maf di çarçoveya vê senaryoyê de hatin girtin. Divê ji ewil CHP bertekê nîşanî vê derhiqûqtiyê bide.”
Hiqûqnasê Cezayî Ercan Kanar bal kişand ku serpêhatiyên Hatîce Yildiz (75) a ku ji ber pere ji keça xwe ya girtî re şandiye hatiye girtin, di dema 12’ê Îlonê de jî nehatiye dîtin û got: “Tirkiye êdî ji dewleta hiqûqê derketî ye.”
Serokê AKP’a Colemêrgê Zeydîn Kaya û xizmên wan berê çekan dan welatiyan û dema rojnamegeran ev kêlî dikişandin jî xwestin wan lînç bikin.
Mûstafa Dag û Mahsûm Karaoglan di meşa sala 2009’an a ber bi Amarayê de hatin qetilkirin û lêpirsîna derheqê wan de ev 15 sal in bênencam e.
Xelkê Qilebanê li dijî desteserkirina îradeya xwe ev sê roj in li ser pêya ye. Welatiyên di çalakiyê de bertek nîşanî AKP’ê dan û wiha gotin: “Mafê kesekê ji Yozgatê nîne ku qedera ma diyar bike. Em vê qebûl nakin û li wan ziqim be.”
Asayîşa PDK’ê rojnameger Silêman Ehmed 162 roj berê revand û ji wê rojê ve tu agahî jê nayên girtin.
Girtiyên siyasî bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd a bi rêyên demokratîk, 129 roj in di greva birçîbûnê de ne.
Li dijî Abdulahat Arvas ê AKP’î ku biryar hate dayîn şûna Abdullah Zeydan ê DEM Partiyî li Wanê mazbatayê bidin wî, bertekek jî ji malbatê hat. Mehmet Sacît Arvasî wiha got: “Tu dê çawa di nava kurdan de bigerî? Di te de rûmet nîne. Hebe nebe pere ye.”
i ser îtîraza AKP’ê dê li navçeya Gazîosmanpaşa ya Stenbolê deng jinûve bên hejmartin.
Li navçeya Berwariyê ji ber “hilbijêrên veguhestî” di navbera Partiya DEVA’yê û AKP’ê de rageşî derket. Di rageşiyê de kesekî jiyana xwe ji dest da û 2 kes jî birîndar bûn.
Li Curnê Reş DEM Partî di hilbijartinan de bi ser ket, lê biryara nûkirina hilbijartinê hat dayîn. Baroya Rihayê û Şaxa OHD a Rihayê daxuyaniyek dan û diyar kirin ku biryar berhema feraseta qeyûm e û got: “Em ê rê nedin feraseta qeyûm.”
Piştî îtiraza YRP'ê li Pirxusê ray ji nû ve hatin hilbijartin. Di jimartina hat dubarekirin de, DEM Partî dîsa bi ser ket.
Li bajarên Kurdistanê gel li dijî darbeya hilbijartinê ya AKP'ê ya li Wanê daket kolanan.
Li Îdirê bi hezaran kes kuçe û kolan li ber çûnhatinê girtin û xespa AKP'ê ya li Wanê protesto kirin.