Zarokê li Edeneyê bi lêdanê hatiye binçavkirin, cezayê nederketina ji navçeya xwe ya Şaxê, hefteyê 5 rojan çûna îmzeyê û qedexeya derketina derveyî welat girt. Parêzer Funda Buyruk destnîşan kir ku ew ê polîsan gilî bikin û wiha got: “Li gorî girtînameyên polîsan ên bi awayeke kêyfî amade kirine, zarok hate cezakirin.”
Rewşa tenduristiyê ya girtiya nexweş a 75 salî Hatîce Yildiz giran dibe. Kurê Yildiz, Alper Yildiz got ku dayika wî gelek caran bi ser hişê xwe de diçe û di mijara bêhnstandinê de zehmetiyê dikişîne.
Metîn Alataş ê beriya 14 salan li Edeneyê hate qetilkirin, dosyaya wî ya lêpirsînê hate girtin û dosyaya wî kete nav kiryarên nediyar, dê sibê li ser gora xwe bê bibîranîn.
Abdulbarî Yildirim ê piştî 30 salan, di roja rojbûna Rêberê PKK’ê de ji Girtîgeha Şakranê hatiye berdan wiha axivî: “Îro rojek pîroz û ji bo hemû gelan rojeke ronî ye.”
Li Stenbolê 3 jê rojnamevan 132 kes duh hatibûn binçavkirin. Dema binçavkirina 132 kesan hate dirêjkirin.
Zarokê bi navê Muhammed Orhan ku di dema berxwedana li Wanê de hate binçavkirin û bi wêneyê xwe yê rûbiken bû rojev, hate girtin.
Di çalakiyên protestoyê yên du rojan de nêzi 350 kes hatin binçavkirin, ji 400 kesan zêdetir kes ji ber tundî, guleyên plastîk, avêtinê bombeyên xaza îsotê ji cihên cuda ên bedenên xwe birîndar bûn.
Li Edeneyê 6 welatî di çalakiya piştevaniya bi Wanê re de rastî tundiya polîsan hatibûn. Derheqê her 6 welatiyan de bi îdiaya “tundî li polîsan kiriye” lêpirsîn hate destpêkirin.
Diyar bû ku qeyûma Şaredariya Cizîrê li pey xwe 772 milyon û 414 hezar TL deyn hiştiye.
Serokwekîlê Koma DEM Partiyê Sezaî Temellî têkildarî penaberê bi navê Elî Welî ku radestî cendirmeyan hatiye kirin û piştre ketî destê kesên nasnameyan wan nediyar pêşnûmepirs da Meclisê û ji wezîr Alî Yerlîkaya ev pirs kir: “Gelo haya we ji dîmenên îşkenceyê yên Elî Welî heye yan na?”
Ji ber gotina “Qirkirina Ermenan” li endamên Lijneya Rêveberiya Baroya Amedê 3 doz bi îdiaya “dewlet û saziyên wê biçûk xistine” hatibûn vekirin û di her sê dozan jî biryara beraetê hatibûn dayîn. Bi heman tawanbariyan li rêveberiya sala 2022’yan jî dozeke nû hate vekirin.
Hevşaredarê Bajarê Mezin ê Wanê yê berê Bekîr Kaya, bi peyama ji girtîgehê şand serkeftina gelê Wanê pîroz kir û got: “Gelê Wanê bi vê berxwedanê rêyeke nû ji siyaseta Tirkiyeyê re vekir û ji bo gelên li ber xwe didin bû hêvî.”
Serhat Kahyaoglu yê di navçeya Fatîhê de bi derbkirinê hatibû binçavkirin, jiyana xwe ji dest da. Hevalê Kahyaoglu yê pê re hatibû binçavkirin wiha got: “Polîs bi awayeke giran wi derb dikirin. Serhat bi gotina ‘li min nexin’ qêr dikir. Dema ku 15 deqe şûn de ew anîn cihê ku ez lê dihatin ragirtin, Serhat miribû.”
Rêveberiya Xweser a Bakur û Rojhilatê Sûriyeyê diyar kir ku dewleta tirk ji bo xerakirina îstîqrara herêmê pêşî li hucreyên DAIŞ’ê vedike û bang li civaka navneteweyî kir ku li dijî êrişên dewleta tirk xwedî seknekî zelal bin.
Rojnameger Mîmar Kaya li Colemêrgê rastî êrişa xizmên Serokê AKP’a Bajar Zeydîn Kaya hatibû, got ku ev 2 roj in xwe li malekê veşartiye û xetere li ser jiyana wî heye.