Navenda Mafên Mirovan a Wanê, ÎHD û OHD’a Wanê binpêkirinên di protestoyên Wanê de eşkere kirin. Hat gotin ku gelek gaz, ava şid, guleyên plastîkê hatine bikaranîn û gelek welatî birîndar bûne û hatine binçavkirin.
Li gelek bajaran serdana gora kesên di têkoşîna azadî û demokrasiyê de jiyana xwe ji dest dane, hate kirin. Kesên serdana goristanan kirine, bertek nîşanî texrîbkirina goristanê dan û wiha gotin: “Çi bikin bila bikin, bi hezaran salan êriş bikin jî dê ev berxwedan bi ser bikeve.”
MÎT’ê di çarçoveya 23’yê Nîsanê de ji zarokan xwest ku bi peyvên “îstîxbarat” û “sîxurê veşartî” nameyan binivîsînin. Egîtîm-Sen a derbarê mijarê de daxuyanî da, wiha got: “Nayê qebûlkirin ku MÎT xebatên li ser zarokan bike.”
Hevşaredarên Bajarê Mezin a Amedê Serra Bucak û Dogan Hatun ragihandin ku ji bo tevahiya pêvajoya Cejna Remezanê di mijara trafîk û hîjyenê de tevdîrên pêwîst hatine girtin û dê wesayîtên şaredariyê bêpere bixebitin.
Nîkaraguayê bi îdiaya ku Almanya bûye şirîkê qirkirina li Xezeyê, doz vekiribû. Almanyayê, li Dîwana Edaletê ya Navneteweyî parastina xwe kir û tawanbarî red kir.
Di şerê li Taxa Cumhuriyetê derketiye de welatiyekî jiyana xwe ji dest da.
Hevserokên Giştî yên DEM Partiyê Tulay Hatîmogûllari û Tuncer Bakirhan Cejna Remezanê pîroz kirin û hêvî kirin ku cejn bibe wesîleya aştî û azadiyê.
Wezareta Bazirganiyê ya dewleta tirk aşkere kir ku îxracata bi Îsraîlê re di 54 komên berheman de hatiye sînorkirin.
Desthlata AKP û MHP li Herêma Federe ya Kurdistanê plansaziya operasyoneke nû ya leşkerî dike. Ajansa Nûçeyan a Firatê (ANF) xwe gihand lîsteya cerdevanên ku dê ji Colemêrg û navçeya wê Geverê tev li operasyona leşkerî bibin.
DMME’yê ji bo serlêdana duyemîn a Osman Kavala biryar da ku zû lêkolîn bike.
Tirkiyeyê ava stasyona Elokê ya bi ser bajarê Hesekê ve ev 7 meh in qut kiriye. Rêveberiya Xweser rojê 800 sarîcan avê li xelkê bajar belav dike.
Hevberdevka HDK'ê Esengul Demîr diyar kir ku divê mirov motîvasyona biserketina encamên hilbijartinê, veguherîne biserketineke polîtîk.
Derket holê ku qeyûma Cizîrê Nazlî Demîr ku kûpaya tîma voleybolê ya şaredariyê bi dest xistibû jî bi xwe re biriye, di 2 rojên dawî de hin amûrên şaredariyê yên bi bihayê 7 milyon û 339 hezar û 582 TL'yî hîbeyî hin saziyan kiriye.
Çalakiya girtiyên siyasî ya bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd a bi rêyên demokratîk daye destpêkirin didome.
Asayîşa PDK’ê rojnameger Silêman Ehmed 168 roj berê revand û ji wê rojê ve tu agahî ji Ehmed nayên girtin.