Hevberdevekê Komeleya 10’ê Cotmehê Îshak Kocabiyik nerazîbûn nîşanî erêkirina biryara beraatê ya ji bo bersûc Erman Ekîncî ya li dadgeha temyîzê da û got, "Biryar belgekirina dadgerekî alîgirê DAIŞ'ê ye."
Ji bo Komîsyona Mafên Mirovan a Meclisê, di serdema 24’an de heta îro herî kêm 46 hezar û 753 serlêdan hatine kirin. Ji bo 21 hezar û 642 îdiayên binpêkirina mafên girtiyan tenê 153 caran serdana girtîgehan kiriye.
Şîna ku ji bo Berîvan Demîr a YJA-Star’î hate danîn bi girseyî hate ziyaretkirin. Di axaftinên şînê de ji bo windayên nû çênebin banga piştgiriya pêvajoyê hate kirin.
Saziyên çapemeniyê li ber Konsolosxaneya Îsraîlê bi dirûşma "Em deng didin hempîşeyên xwe yên Filistînî " çalakî li dar xistin û berteka xwe ya li hember nebûna cezayên civaka navneteweyî li dijî êrişên Îsraîlê nîşan dan.
Girtiyê bi navê Ersîn Çîçek ê ku piştî 6 mehan ji bo tedawiya fetq, apandîsê sewqa wî nexweşxaneyê hatibû qebûlkirin, di dema sewqkirinê de bi hinceta "lêgerîn nehate qebûlkirin" sewqa wî hate astengkirin.
Baroya Amedê, têkildarî astengkirina tehliyeya girtiyan serî li 4 saziyan da.
Baroya Amedê der barê kesên ku cezayên xwe temam kirine û serbest hatine berdan de daxuyaniyek da û bal kişand ku "Parvekirinên ku kesên xwedî naverokên sexte hedef digirin, nefretê dihewîne û aştiya civakî tehdît dike divê cidî neyê girtin."
Li navçeya Çukurovayê mêrê bi navê Eyup Verîmlî, hevjina xwe Merve Verîmlî û keça xwe Elîf Verîmlî qetil kir.
Li navçeya Rezanê ciwanek, ji ber pirsa sedemê kontrola nasnameyê ji aliyê polîs ve rastî tundiyê hat.
Rêxistina Mafê Mirovan a Kurdistanê ragihand ku tundiya li ser girtiyên siyasî yên li Girtîgeha Merîwanê zêde bûye.
Li navçeyên Artûklû û Qoserê yên Mêrdînê bi rojan e ji ber birîna avê tî hatin hiştin. Kesên avê dibin malên xwe bi tankeran ragihandin ku ti bersiv ji serlêdanên wan re nehatiye dayîn.
Şaredariya Peyasê di dema qeyûm de ji ber nelirêtiyê û gendeliyê ketiye bin deynekî mezin. Di encame lêpirsina dadgehê de li 25 kesan ceza hatiye birîn.
Qeymeqamê Hezexê, têkildarî polîs Mehmet Kîraz ê ku bi wesayîta zirxî li zarokekî 7 salî xistibû û kuştibû, îda kir ku “bêyî lêqelibandinê alternatîfa wî nebû” û destûra lêpirsînê neda.
Li gel diziya amûrên tibî yên li Nexweşxaneya Dewletê ya Cizîrê, derket holê ku Midûriyeta Tenduristiyê ya Bajêr a Şirnexê kadroyên sixte afirandine.
Dayika Şemiyê Îkbal Eren, diyar kir ku bendewariyên wan ên ji pêvajoyê bicihanîna daxwazên wan e û got: “Bila gorên xizmên me bê dîtin û polîtîkayên bêcezakirinê bi dawî be."