Hevserokên Giştî yên DEM Partiyê Tulay Hatîmogûllari û Tuncer Bakirhan ji bo serdana Şaredarê ÎBB’ê Ekrem Îmamoglû, parêzer Bekir Kaya û girtiyên siyasî dê serî li wezaretê bidin.
Nedîm Yilmaz ku li Girtîgeha Boluyê tê ragirtin û 32 sal in di girtîgehê de ye, bi hinceta “poşman nîne” cara 8’emîn hate taloqkirin.
Girtiyê nexweş Siddik Guler ku rewşa wî giran e, tevî biryara dozger jî sewqî ATK’ê nayê kirin.
Tehliyeya Erdal Canan ku li Girtîgeha Tîpa F a Wanê tê ragirtin, bi hinceta “poşmantî” qebûl nekiriye ji bo 6 mehan hate taloqkirin.
Serokê Federasyona Komeleyên Suryan Evgîl Turker, diyar kir ku banga Abdullah Ocalan di nava gelên Suryan de kelecanek ava kiriye û got: "Em piştgiriyê didin pêvajoyê."
Hejmara nû ya rojnameya Xwebûnê bi manşeta “Bingeha kolektîfbûnê” derket.
Kêla gora Idrîs Turan ê HPG’î ji hêla kesên nasnameya wan nediyar ve hate texrîbkirin. Bav Sadik Turan bertek nîşan da û got: “Heke daxwaza wan xwişk-biratî be, wê demê divê pêşiya vê bigirin.”
Xizmên girtiyên nexweş diyar kirin ku ji bo çareserkirina pirsgirêka girtiyên nexweş hewceye demildest gav bên avêtin û gotin: “Divê girtiyên nexweş tavilê bên berdan.”
HDK’ê bi daxuyaniyekê kesên di Komkujiya Seyfo de jiyana xwe ji dest dane bi bîr anî û got ku hevrûbûna bi komkujiyê re ji bo aştiya civakî girîng e.
Li gundekî navçeya Qubînê ya Êlihê şaneşîneke avahiyekî kete xwarê û herî kêm 3 kesan jiyana xwe ji dest dan.
Wekîla DEM Partiyê Newroz Uysal Aslan di panela li Rihayê de axivî û got: “Bi avakirina komîsyona li Meclisê re dê pêşiya gavên pêwîst were vekirin.” Veysel Avci jî got: “Dewlet jî di nav de her kesî hêviya xwe girêdayî birêz Ocalan kiriye. Mafê hêviyê bi qasî mafekî hiqûqî, ewqas jî mafekî siyasî û civakî ye.”
Hevserokê GOÇ-DER’ê Mûrat Sari bi bîr xist ku bi milyonan kes neçarî koçberiyê hatine kirin û got: “Em mafên xwe yên hatine xespkirin, gundên me yên hatine velakirin, malên xwe me yên hatine şewitandin û civaka xwe ya ji hev hatiye parçekirin dixwazin.”
Partiya Çep a Kesk civîna xwe ya ewil a Meclisa Partiyê li dar xist.
Pisporê Rojhilata Navîn Îslam Ozkan diyar kir ku êrîşên Îsraîlê yên li hemberî Îranê gefê li tevahiya herêmê dixwe û got, "Çareseriya pirsgirêkê di avakirina rêveberiyeke demokratîk, azadîparêz û adîlane de ye."