Endama OHD’ê parêzer Zîlan Aydin bal kişand ser biryara binpêkirina mafê hêviyê ku DMME’yê ji bo Abdullah Ocalan dabû û got: “Heke bi rastî jî bixwazin pirsgirêka Kurd çareser bikin, divê mafê hêviyê cîbicî bikin.”
Amedsporê ragihand ku ji bo qada xwe ya forvetê xurt bike, bi lîstikvanê xwedîezmûn Mbaye Diagne re li hev kiriye.
Ji bo bîranîna rojnamevan-nivîskar Huseyîn Denîz ê ji aliyê JÎTEM'ê ve hat qetilkirin, bi dirûşmeya "Em bîra xwe diparêzin" pêşangeha seramîkê hat vekirin.
Şîna Welat Hazirê HPG'î yê li Metînayê jiyana xwe ji dest da, li Wanê bi girseyî hat ziyartekirin.
Rêxistina Mafên Mirovan a Îranê derbarê rewşa girtiyên jin yên li girtîgeha Qerçek ya Tahranê, raporek parve kir. Hat ragihandin ku girtîgeh bûye navenda îşkence û tundiyê.
Dayikên Şemiyê ku vê hefteyê ji bo nûçegihanê rojnameya Ozgur Gundemê Ferhat Tepe yê 32 sal berê hat qetilkirin, li hev civiyan, bal kişandin ser komîsyona ku li meclisê hatiye avakirin û gotin ku divê komîsyona li meclisê hatiye avakirin dengê wan bibihîze.
ÎHD û xizmên windayan ku li Amed, Êlih û Colemêrgê bang li komisyona ku li meclisê hat avakirin kirin ku aqûbeta kesên bi darê zorê hatine windakirin eşkere bike.
Tora Aştiyê ya Rexneyî li Amedê bi tevlîbûna 50 rêxistin3en sivîl "Komxebata Aştiyê ya Amedê" li dar xist. Di komxebatê de îşaret bi girîngiya tevlîbûna rêxistinên civaka sivîl a ji bo pêvajoyê hat kirin û wiha hat gotin: “Divê em aştiyê bi hev re ava bikin.”
Hikûmeta Demkî ya Sûriyeyê ragihand ku ew ê beşdarî hevdîtina bi Hêzên Sûriyeya Demokratîk (QSD) re ya li Parîsê nebe.
Welatiyên li Wanê û navçeya Gimgimê ya Mûşê diyar kirin ku ew aştiyeke birûmet dixwazin û daxwaz kirin ku mafên kurdan bi destûra bingehîn werin misogerkirin.
Di ser qetilkirina nûçegihan û nivîskarê Rojnameya Ozgur Gundemê Huseyîn Denîz re 33 sal derbas bûn. Keça wî Zozan Denîzê got: "Hevrêyên bavê min kevneşopiya çapemeniya azad didomînin."
Li girtîgehên Riha û Tokatê di 2 salan de 56 caran berdana girtiyan hatiye taloqkirin û înfaza 16 kesan jî bi temamî hatiye şewitandin.
Wezîrê Karê Navxweyî Alî Yerlîkaya ku pirsa darên ji aliyên cerdevanan tên birîn hat pirsîn, got ku "ev ne peywira wî ye."
