Li Bismil û Farqînê şewitandina pirêzeyan, bandoreke nebaş li Êlihê dike. Serokê Odeya Bijîşkan Selahattîn Ogûz, anî ziman ku dûmana xwe li bajêr digire nahêle bêhna nexweşan derkeve.
Meclisa Bila Mûnzûr Azad Biherike, bertek nîşanî 11 herêmên Dersimê ku tê xwestin wergerin qadên medenê da û hişyar kir ku wê bi projeyê komkujiya ekolojiyê derkeve holê.
Hunermendên ji Dersimê bertek nîşanî projeyên madenê yên li Dersimê dan û diyar kirin ku çav berdane çiyayên wan û bang li civakê kirin ku li dijî talanê derkevin.
Rêxistinên sivîl ku li Amedê xebatan dikin, di çarçoveya kampanya “Ji bo Amede ku jiyanî em dest bidin hev” de li navçeya Sûrê bermahiyên ku hatibûn avêtin, berhev kirin.
Sendîkaya Kedkarên Çemawerî ya Baskê Xizmeta Çandinî û Daristanê, diyar kir ku sedema zêdebûna şewatan, hişmendiya rantperest û xemsariyê ye û got: “Em ê temaşeyî şewitîna daristanan nekin.”
Berdevkê NKP'ê Aycan Ozacan, anî ziman ku wê Santrala Nukleerê ya li Akkûyûyê tê çêkirin, bike ku Hewzeya Behra Spî bi mûtasyonê re rûbirû bimîne.
Tê xwestin ku 5 herêmên Colemêrgê veguherînin qada madenê. Gundiyên li dijî qada madene bi bertekin, diyar kirin ku gelo wê ev qad çi feydeyê bidin wan.
Li 3 deverên Çiyayê Cûdiyê agir bi daristanê ket.
Rêxistinên civaka sivîl ku hawirdora Geliyê Godernê paqij dikin, bang kesên seredana geliyê dikin kirin û gotin: "Em bi hev re xwezaya xwe biparêzin."
Seroka Komeleya Hawirdorê ya Salihliyê Parêzer Seçîl Ege Degerlî, diyar kir ku çendî ku der barê tesîsa biyogazê ya li Taxa Çapakliyê de doz vekirine jî lê belê hîn jî tesîs tesîs tê çêkirin û got, ax û ava Deşta Gedîzê berpêşî şîrketa biyogazê tê kirin.
Li bajaroka Sogukpinar a Espiyeyê li herêma Çiyayên Kizilkayayê ji ber lêgerîna ji bo madenan xwezaya herêmê her diçe bêtir tê texrîbkirin.
Şewata duh bi şev li Çiyayê Cûdî rû da, belavî 7 cihên din bû. Ekîbên Miduriyeta Fîrmana Daristanê xwestin mudaxileyî şewatê bikin, lê eskeran bi hinceta “ewlekariyê” ekîb asteng kirin û temaşeyî şewatê kirin.
Li gundê Dêzê yê navenda Colemêrgê, ji ber sedemeke ne diyar agir bi daristanê ket. Di şewatê de heta niha gelek lodên giha û daristan şewitîn.
Nûnerên partiyên siyasî yên Hatayê, bertek nîşanî 9 herêmên ku li bajar, bûn qadên medenê û gotin ku dê destûr nedin rant û talanê.
Şewata ku li gundên Gundikê Remo û Gundikê Spîndarûkê rû dabûn ji ber xwe ve vemirî, lê vê carê jî li mezraya girêdayî gundikê Melê ya Benevyayê dest pê kir.