rojane

Rojnameger Kanbal ku ji ber wêneyên parve nekirî dihat darizandin beraet kir

rojane
10:41 01/2/2024

Rojnameger Ahmet Kanbal ku ji ber wêneyên parve nekiribû dihat darizandin, ji dozê beraet kir.

Li Wanê starta Meşa Mezin a Azadiyê hat dayîn: Ji Abdullah Ocalan re azadî, ji bo gelê kurd statû

rojane
10:35 01/2/2024

Di daxuyaniya starta “Meşa Mezin a Azadiyê” ya Wanê de wiha hat gotin: “Aştî, edalet, demokrasî û azadiya vî welatî bi afirandina mercên azadiya fîzîkî ya Abdullah Ocalan û qebûlkirina statûya gelê kurd pêkan e.”

Li Rihayê avahiyek hilweşiya: 2 kes mirin, 8 kes jî birîndar bûn

rojane
10:33 01/2/2024

Li Rihayê avahiyeke ku di erdhejê de xesar gihiştibûyê û nehatibû hilweşandin, hilweşiya. Di encamê de 2 welatî mirin û 8 jî birîndar bûn.

Li Hatayê xwendekar hêj jî travmaya erdhejê dijîn

rojane
10:25 01/2/2024

Sekretera Şaxa Egîtîm Sena Hatayê Sûna Kadayifçi diyar kir ku tevî salek bi ser erdhejê re derbas bûye jî hêj jî piştgiriyeke psîkolojîk bi xwendekaran re nehatiye kirin û ev tişt anî ziman: “Pirsgirêkên cihê mayînê û veguhestinê hêj didome. Xwendekaran hêj jî travmayê dijîn.”

Danişîna 18 rojnamegeran dest pê kir

rojane
09:56 01/2/2024

Danişîna doza 18 rojnamegerên li Amedê bi îdiaya “Endamtiya rêxistinê” tên darizandin dest pê kir.

Gefa kuştinê li girtî Ekrem Gun tê xwarin

rojane
09:47 01/2/2024

Girtiyê bi navê Ekrem Gun li Girtîgeha Hejmar 2 ya Bandirmayê tê ragirtin û tetîkkêşê bi navê Îsmet Ozdemîr gefa kuştinê lê dixwe.

Li Rihayê ne hilweşandina avahiyan ne jî avakirina wan temam bû

rojane
09:40 01/2/2024

Di erdhejê de li Rihayê xesar gihiştibû 8 hezar û 231 avahiyan. Ji nîviya zêdetirî van avahiyan nehatine hilweşandin û 400 avahiyên dê li şûna wan bihatina avakirin jî nehatin avakirin. Sekreterê Bajar ê TMMOB’ê Fîkret Çakir got ku krîza hewînê didome.

DFG'ê ji bo Ehmed bang li saziyên rojnamegeriyê kir: Bêdeng nemînin

rojane
09:22 01/2/2024

DFG'ê têkildarî rojnameger Silêman Ehmed ku ji hêla asayîşa PDK’ê ve hatibû revandin û 100 roj in agahî jê nayên girtin daxuyaniyeke nivîskî weşand. DFG'ê xwest ku PDK dev ji kiryarên xwe yên derhiqûqî berde û bang li hemû sazî û dezgehên rojnamegeriyê yên cîhanê kir ku ji bo Ehmed bêdeng nemînin û doza azadiya wî bikin.

Greva birçîbûnê ya li girtîgehan di roja 67’an de didome

rojane
09:04 01/2/2024

Bi mebesta azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd bi rêyên demokratîk, girtiyên siyasî dest bi greva birçîbûnê kiribûn. Çalakiya girtiyên siyasî di roja 67’an de didome.

Ji rojnameger Silêman Ehmed 100 roj in tu agahî nayên girtin

rojane
09:03 01/2/2024

Ji rojnameger Silêman Ehmed ku ji hêla asayîşa PDK’ê ve hatibû revandin 100 roj in tu agahî nayên girtin. Tevahiya hewldanên ji bo hevdîtinê ji hêla PDK’ê ve tên astengkirin.

Sedema cezayê ku li Mizrakli hat birîn: Îfadeyên îtirafkara derewîn esas hatin girtin

rojane
09:03 01/2/2024

Dadgehê di sedema xwe ya ji bo cezayê li Selçûk Mizrakli birî de, îdiayên îtirafkar Hîcran Ayverdiyê yên bi qeydên SGK'ê hatibûn drewandin esas girt.

Dîlsîz: Tecrîd hem weke hiqûqî hem jî weke siyasî nayê qebûlkirin

rojane
09:02 01/2/2024

Tevî gelek serokên baroyan, Serokê Baroya Şirnexê Rojhat Dîlsîz jî ji bo biçe Îmraliyê serî li Wezareta Dadê da û wiha got: “Em qala mirovekî ku milyonan kes jê re dibêjin ‘vîna me ye’ dikin. Tecrîd di rewşek wisa de ye ku hem wek hiqûqî hem jî wek siyasî nayê qebûlkirin.”

Bi hinceta ‘ne di rewşeke baş de ye’ berdana wî hat taloqkirin

rojane
09:01 01/2/2024

Rojek beriya berdana Firat Ege yê li Girtîgeha Sîlîvriyê tê ragirtin, bi hinceta “ne di rewşeke baş de ye” berdana wî hate taloqkirin.

Parlamenter Çûbûk: Divê li dijî tecrîdê sosyalîst berpirsyartiyê bigirin

rojane
09:00 01/2/2024

Parlamentera Îzmîrê Bûrcûgul Çûbûk bi bîr xist ku gelê kurd demekî dirêj e li dijî tecrîdê li ber xwe dide û wiha got: “Tevgerên sosyalîst weke ku tecrîd di jiyana wan de nîne tevdigerin. Tecrîd di nava jiyana me de heye û divê sosyalîst berpirsyariyê qebûl bikin.”

Roja ku bavê wî hat girtin ji dayik bû: 31 sal in li benda berdana bavê xwe ye

rojane
09:00 01/2/2024

Girtiyê nexweş Ahmet Zenger ê 31 sal in di girtîgehê de ye, 3 car in berdana wî tê taloqkirin. Abdullah Zenger ku bavê xwe di nava çar diwaran de nas kiriye wiha got: "Dema min gava yekem avêt bavê min ne li cem min bû, gava ku ez hînî axaftinê bûm jî bavê min ne li cem min bû û dema ku ez çûm zanîngehê jî bavê min ne li vir bû. Ev 31 sal in li benda derketina bavê xwe me."