Hevseroka Giştî ya DEM'ê Tulay Hatîmogullari di civîna Enternasyonala Sosyalîst de peyama Abdullah Ocalan parve kir û wiha got: "Ev bang hem ji bo Tirkiyeyê ye, hem jî ji bo mezinkirina têkoşînê bi perspektîfeke enternasyonala sosyalîst a li seranserê cîhanê ye."
Xizmên windayan ku li Amed, Êlih û Colemêrge têkoşîna xwe ya edaletê didomînin gotin, "Ji bo pêvajoya aştiyê pêk bê em daxwaz dikin ku Komîsyona Heqîqetê bê avakirin û malbat tevlî vê pêvajoyê bibin."
23'yemîn Kongreya Asayî ya KNK'ê bi beşdariya 300 delegeyî dest pê kir. Di axaftin û peyamên hatin xwendin de bal kişandin ser 'yekitiya neteweyî'.
Dayikên Şemiyê ji bo Mehmet Selîm Orhan û Hasan Orhan ên ku 31 sal berê di binçavan de hatin qetilkirin û her wiha ji bo biraziyê wan Cezayîr Orhan edalet xwestin. Adnan Orhan jî ji bo ku aştiyeke rasteqîn pêk were banga rûbirûbûnê kir.
Vanspor dê li Xarpêtê bi Elazigsporê re bilîze û ji ber gefên nîjadperest otelê rezervasyona Vansporê betal kir. Komên nîjadperest ên alîgirên Elazigsporê bi wesayîtên cenazeyan gefan dixwin.
Partiya Sosyalîst a Bindestan (ESP) li Dersimê li dijî girtîgehên 'tîpa bîrê' dest bi greva birçîbûnê ya 2 rojan kir.
Doza tacîza zayendî ya zarokan de hinceta beraetê de hat îdîakirin ku “pola her kes dikevê û der tê” û hinceta pêknehatina tacîza zayendî ya zarokan “li gor herka heyatê ne asayî ye.”
Hevserokê Giştî yê DEM Partiyê Tûncer Bakirhan di Kongreya Yeşîl Sol Partî de axivî û diyar kir ku dê ji b tifaqên aştiyê mezin bikin û ji bo demokrasiyê têkoşîneke hevpar bidin meşandin.
Şervanên QSD’ê êrîşa DAÎŞ’ê ya li ser nuqteya li Bajarokê Behrayê şikand.
Di qezaya ku li ser rêya Şirnex-Cizîrê rû da de 3 kesan jiyana xwe ji dest dan.
Endamê heyeta CPT'ê yê berê Jean-Pierre Restellini balkişand ser rola civaka navneteweyî ya ji bo çareseriya demokratîk a pirsgirêka Kurd got ku dixwaze di şert û mercên azad de bi Abdullah Ocalan re hevdîtinê pêk bîne.
Endamê Desteya Rêveberiya Navendî ya Partiya Çep a Keskan Nacî Sonmez diyar kir ku pêwîstî bi 'koalîsyona demokrasiyê' ya mezin heye û destnîşan kir ku di pêvajoya nû de ew ê ji bo civakîbûna aştiyê têbikoşin.
Yek ji xizmên windayan Eren Baskin got ku divê hemû astengiyên li pêşiya azadiya fîzîkî ya Abdullah Ocalan bên rakirin û eger wê aştiyek bi rastî jî bi rûmet pêk were, amade ye ku mirovên bavê wî qetil kirine efû bike.
Kurê Taybet Înan ku cenazeyê wê 7 rojan li kolanê hat hiştin, Mehmet Înan diyar kir ku ew piştgiriyê didin banga Abdullah Ocalan û got, "Eger em bêjin 'aştî', mafê kesên berdêl nadin nîne ku bêjin 'em aştiyê naxwazin'."
Endamê Komeleya Hiqûqnasan a ji bo Azadiyê (OHD) Mehmet Kenkeş bi bîr xist ku Tirkiye biryara DMME'yê ya têkildarî mafê hêviyê bi cih neaniye û got ku Tirkiye li gorî peymanên navneteweyî yên ku alîgirê wê ne, neçar e biryarên DMME'yê bi cih bîne.