Çalakiya girtiyên siyasî ya bi daxwaza azadiya fîzîkî ya Rêberê PKK’ê Abdullah Ocalan û çareserkirina pirsgirêka kurd a bi rêyên demokratîk hatiye destpêkirin di roja 162’yemîn de didome.
Hevserokê PADÊ Hisên Hecî, diyar kir ku civaka êzidî li dijî şerê ku dewleta tirk dixwaze bide destpêkirin xwedî helwest e û got: “Weke civaka êzidî li dijî vê planê ne. Weke îradeya Şengalê û xweseriya Şengalê em ê rê nedin van têkiliyên qirêj.”
Hevseroka Giştî ya ÎHD’ê Eren Keskîn a serdana rojnamevan Esra Solîn Dal a di girtîgehê de rastî lêgerîna tazî hat kir, diyar kir ku di pevayoke her cure rexne qedexe ye de derbas dibin û bi lêv kir mûxalefeta sereke û çapemeniya mûxalîf “vebijeriya mexdûran” dikin.
Li ser îdiayên îtîrafkar Umît Akbiyik derbarê parêzer Necat Çîçek de bi sûcdariya “Ji bo kesên ku bi sûcên rêxistinê hatine darizandin re xizmetên hiqûqî kirine” doz hate vekirin.
Di serdegirtinên malan ên li Amedê de rojnamevan Nûrcan Yalçin û Derya Ûs di nav de gelek kes hatin binçavkirin.
Hejmara 229’an a Rojnameya Xwebûnê bi manşeta “Hiqûqa dijminantiyê” derket û bal kişand ser polîtîkayên dewletê yên li dijî girtiyên siyasî ku berdana wan her tim taloq dikin.
Li Tûşbayê bi pileya 3.9 di kurahiya 7 kîlometre di biniya erdê de erdhej çêbû.
Li Bakur û Rojhilatê Sûriyeyê, di êrişa li dijî gundekî bakurê Minbicê de zarokekî 11 salî birîndar bû.
Hêzên Ked û Demokrasiyê li Enqere û Stenbolê bertek nîşanî girtin û binçavkirinên 1’ê Gulanê dan û wiha gotin: “Taksîm em in, em li cem hevalên xwe ne.”
Di panela “Rastiya erdhejê ya Çewligê” de hişyarî hate kirin ku divê li dijî erdhejeke gengaz bibin yek û tedbîr bên girtin.
Parlamenterê DEM Partiyê Alî Bozan da zanîn ku derket holê lawê Midûrê Polîsan ê Akdenîzê Ebûbekîr Fîl ku tespîtkiribû hilbijêrê xeyalî ye, her meh ji şîrketa Personelan a Şaredariya Akdenîzê bi awayekî rêk bû pêk meaş digire.
Wezareta Karên Hundir a Kenyayê aşkere kir ku hejmara kesên di lehiyê de jiyana xwe ji dest dane derketiye 228’an. Li Brezîlyayê jî 66 kesan di lehiyê de jiyana xwe ji dest dan.
Hevşaredara Dêrsimê Bîrsen Orhan ragihand ku Festîvala Çand û Xwezayê ya Mûnzûrê dê di navbera 25 û 28’ê tîrmehê de bê lidarxistin.
7 sal û 6 meh cezayê hefsê yê li Serokê Cemxaneya Duzgun Baba Sînan Kirmiziçîçek hatibû birîn hate pejirandin. Rêxistinên elewiyan ên ev yek şermezar kirin, banga têkoşînê li partiyên siyasî û rêxistinên mafan kirin.