Merasîma sersaxiyê ya ku dihat plankirin li mala malbata endama YJA Starê Şîrîn Işik were lidarxistin ku di sala 2018'an de li Herêma Kurdistana Federe jiyana xwe ji dest da, ji aliyê polîsan ve hat astengkirin.
Hevseroka Giştî ya DEM Partiyê Tulay Hatîmogullari ku di mîtînga Stenbolê de axivî, got: "Ev pêvajo hem ji bo aştiya li Tirkiyeyê û hem jî ji bo Rojhilata Navîn ji bo me firsendek dîrokî ye. Divê bi lez û bez hawîrdorek ku birêz Ocalan karibe bi azadî bixebite û bijî û bi hemû beşên civakê re hevdîtinê bike were peydakirin."
Platforma Saziyên Demokratîk, xebatên xwe yên ji bo meşa aştiyê ku dê bi dirûşmeya "Ji Bo Civaka Demokratîk Deng Bide Aştiyê" bê lidarxistin, didomîne.
Rêberê Gelê Kurd Abdullah Ocalan, bi boneya 1’ê Îlonê peyamek şand û got: “Aştiya rasteqîn, dema azadî, demokrasî û edaleta civakî di hemû qadên jiyanê de kete meriyetê dikare bibe. Ev veguherîna civakî, ji bo gelên me ne tenê mafek e; di heman demê de peywira sereke ya serdema nû ye.”
Di “Mitînga Aştiyê” ya bi boneya 1’ê Îlonê Roja Aştiyê ya Cîhanê li Stenbolê tê lidarxistin de posterê Rêberê Gelê Kurd Abdullah Ocalan hate hilgirtin.
Di metna hevpar a “Mitînga Aştiyê” de wiha hate gotin: “Vekirina pêşiya hemû qenalên demokratîk ku ji bo tev li pêvajoyê bibin, pêwîstiyeke. Tekane rêya gelên me bi ewle û aram bijîn, aştî ye. Dê dinyayeke bêşer û bêkdxwarî bi destên me were avakirin.
Wekîlê DEM Partiyê Omer Ocalan, got: “Madem em ê bi entegrasyoneke demokratîk di dewletê de cih bigirin, wê demê ziman, çand, nasname û siyaseta Kurdan qebûl bikin.”
Şîna Bahaddîn Ay ku di sala 1995’an de li Zagrosê jiyana xwe ji dest dabû, bi girseyî hate ziyaretkirin.
HPG-NRÇ’ê ragihand ku tevî biryara wan a agirbestê jî êrişên Tirkiyeyê yên li dijî hêzên wan didomin.
Di çarçoveya kampanyaya “Ez dixwazim bi Ocalan re hevdîtinê bikim” de heta niha li Bakur û Rojhilatê Sûriyeyê zêdetirî 800 kesayetan îmze dane.
Nûnerên pêkhateyên Platforma Saziyên Demokratîk ji bo xwedîderketina li banga aştiyê ya Rêberê Gelê Kurd Abdullah Ocalan, bang li tevahiya xelkê Agiriyê kirin ku tev li meşa 1’ê Îlonê bibin.
Akademîsyen Kamûran Berwarî bal kişand ser nîqaşên li Iraqê yên têkildarî Heşdî Şebî û geşedanên li herêmê û got: “Iraq, di çarçoveya tifaqan de tê dabeşkirin. Tecrubeya konfederalîzma demokratîk a Rojava ji bo Iraqê jî mînakeke. Heke gel tevli pêvajoyê were kirin, Iraqeke demokratîk dikare were avakirin.”
Fermandarê Giştî yê HSD’ê Mazlum Ebdî, diyar kir ku divê êdî Sûriyeyeke demokratîk, nenavendî û piranîparêz were avakirin û got: “Şerê 14 salan ji bo Sûriyeyê bes e. Sûriye êdî dê nebe Sûriyeya beriya 2011’an.”
Şendogan Yazici, diyar kir ku ji bo pêşerojeke bêşer ji çekê re gotiye “Na” û got: “Em dixwazin pêşniyarên xwe yên çareseriyê pêşkeşî komîsyonê bikin. Heke dengê wijdanê bêdeng bikin, dê rêya aştiyê bixitime.”
Ji endamên komîsyona li Meclisê yê Partiya Gelecekê Mûstafa Bîlîcî, ji bo banga têkildarî hevdîtina komîsyonê ya bi Abdullah Ocalan re got: “Heke hûn pêvajoyekê birêve bibin, wê demê hûn mecbûr in bi muxatabê wê re hevdîtinê bikin.”