Doç. Dr. Vahap Coşkûn diyar kir ku divê qanûnek veguhêz a taybetî ji bo vê pêvajoyê were çêkirin û got: "Ji bo diyarkirina şert û mercên ku kesên ji çiyayan dadikevin dê tevlî jiyana civakî û siyasî bibin, pêdivî bi qanûneke taybet heye."
Hevserokê Giştî yê OHD'ê Serhat Çakmak got: "Divê gav bên avêtin da ku bawerî çêbibe û entegrasyona demokratîk pêşve biçe. Divê şert û mercên xebatê yên birêz Ocalan demildest werin sererastkirin da ku li gorî ruhê pêvajoyê û rol û mîsyona wî be."
Hevseroka MEBYA-DER'ê ya Êlihê Nezahat Toprak Hasanê bal kişand ser ku dewletê di vê pêvajoyê de ji avêtina gavan dûr ketiye û tevî vê pêvajoyê jî hin pêkanînên xwe didomîne û got: "Em hîn jî di rewşeke wiha de ne ku êriş li ser cenazeyên Kurdan hene û em hîn jî nikarin cenazeyên xwe wergirin."
Akademîsyen Yasemîn Ozgunê diyar kir ku îktîdarê li hemberî gavên hatine avêtin tiştên ji bo aştiyê pêwîst nekirine û got: "Sedema astengkirina pêvajoyê ew e ku desthilat gavên pêwîst navêje."
Girtiyê nexweş Necdet Koç tevî rapora nexweşxaneyê ya "rîska mirinê ya wî zêde ye" tê girtin. Koç, niha di axaftin û xwarinê de zehmetiyan dikişîne û ji 120 kîloyan daketiye 50'î kîloyan.
Li Bismilê şîna Eşref Akyildiz û Mûstafa Akyildiz ên HPG’î bi girseyî hat ziyaretkirin.
Hat diyarkirin ku rewşa rojnameger Huseyîn Aykol ku xwîn çûbû ser mejiyê wî û hatibû entubekirin, krîtîk e.
Baroya Amedê, ji bo xebatên hiqûqî yên têkildarî Pêvajoya Aştî û Civaka Demokratîk, komîsyonek ava kir.
Hevseroka Konseya Rêveber a KCK’ê Cemîl Bayik, got: “Daxuyaniya tevgera me ya di 26’ê Cotmehê de, îradeya bibiryar a tevgera me ya ji bo aştî û civaka demokratîk nîşan dide. Hewceye dewlet tavilê yasayên entegrasyonê derxîne.”
Hevalên kedkarê Çapemeniya Azad Kadrî Kaya, di salavegara koça wî de bibîr anîn û gotin: “Ew tenê bi awayeke fîzîkî ji nav me veqetiyaye. Ruh, têkoşîn û mîrateya wî ji me re pêşengiyê dike.”
DBP’ê, ji bo Pêvajoya Aştî û Civaka Demokratîk ji hêla yasayî ve bê misogerkirin û tevlibûna gel a pêvajoyê xurtir bike, dê plana çalakiyan a berfireh bixe meriyetê.
Di encama serdegirtinên malan ên li Stenbol û Antalyayê de 15 endamên ESP’ê hatin binçavkirin.
Serokê Baroya Mêrdînê Ahmet Duyan, bal kişand ser daxwaza Tevgera Azadiyê ya Kurd a ji bo hiqûqa veguhêz û diyar kir ku ji bo di nava civakê de bawerî çêbibe hewceye Meclis êdî sererastkirinên qanûnî bike.
Pltaforma Saziyên Demokratîk, diyar kir ku lingê kêm ê pêvajoyê ew e ku dewlet sererastkirinên hiqûqî û zagonî naxe meriyetê û got: “Divê dewlet li ser bingeha hemwelatiya wekhev, sererastinên hiqûqî, zagonî û îdarî bixe meriyetê.”