Derbarê xebatkarê tenduristiyê Adnan Irmak de ku nexibitîna pergala sarkirinê ya li Nexweşxaneya Dewletê ya Qoserê kir rojev, lêpirsîn hate destpêkirin.
Hevseroka Giştî ya DEM Partiyê Tulay Hatîmogûllari got ku hewldana darbeyê ya 15’ê tîrmeha 2016’an “komployeke li dijî gelan e.”
Parêzerên Buroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan re ku 40 meh in agahî jê nayên girtin, serlêdan kirin.
Endamê Meclisa DEM Partiyê Mûhammed Ayten di danişîna ewil de hate berdan.
Sare Kaya a 59 salî ku 15 rojan li Bilexşê di dorpêça leşkeran de ma û li ser îtîraza dozgeriyê hate girtin, di tevahiya jiyana xwe de li dijî polîtîkayên zext, îşkence û koçberkirinê têkoşiya.
Vedat Kûrt ê ji bo ku yewmiyeya xwe xwest ji aliyê xwediyên kargehê ve hate desteserkirin, diranên wî hatin kişandin û îşkenceya bi ceyranê lê hate kirin. Tevî dîmenan jî xwediyên kargehê negirtî tên darizandin.
Girtiyê edlî Ridvan Barik ê li Girtîgeha Hejmara 2’yan a Dûmlû ya Erziromê tê ragirtin, da zanîn ku her tim ji aliyê gardiyanan ve gefa kuştinê lê tê xwarin.
Girtî Xebat Demîr ku di şewata taxa Kelekê de 10 xizmên xwe winda kir, 30 salên dawî yên taxê nivîsand. Demîr, diyar kir ku ji salên 90’î heta niha rastî windakirinên bi darê zorê, zexta cerdevaniyê, şewat û êrişên nîjadperest hatine.
Xwediyên xaniyên tomakirî yên li Sûrê hatin hilweşandin diyar kirin ku 9 sal in xaniyên nû tên çêkirin bi dawî nebûne û gotin: "Di sala 2025'an de ji bo tamîrkirina xaniyan îhaleya nû dê bê kirin. Dewlet me ceza dike.”
Serokê ÎHD'a Amedê Ercan Yilmaz bal kişand ser zêdebûna îşkence û muameleya xerab a li bajar û navçeyên Kurdistanê û got: "Sedema îşkence û muameleya xerab a li herêmê pêk tê pêvajoya şer a ji sala 2015'an ve dest pê kiriye. Îşkencên tên kirin ji zext û zordariyên ku tê kirin, qut nîne.”
Endamê OHD'a Wanê parêzer Cîhat Durmaz diyar kir ku li girtîgehên Tîpa Y û S ên nû hatine avakirin rayedar li dijî binpêkirina mafan tu gav neavêtine û got: “Divê ev girtîgeh bên girtin.”
Rojnamevan Erdogan Altan diyar kir ku Tirkiyeyê gelek deverên başûrê Kurdsitanê dagir kiriye û deverên hatine valakirin komên paramîlîter lê tên bicihkirin û tê xwestin ku demografiya herêmê bê guhertin.
Bi “Bendava Cizîrê” ya ku tê plankirin li ser Çemê Dîcleyê bê çêkirin re gelek cihên dîrokî yên li bajarokê Qesirkê wê di bin avê de bimînin. Şêniyên bajarok bertek nîşanî bendava ku nayê zanîn dê kengî dest pê bike dan û xwestin ku proje bi temamî bê rawestandin.
