Polîsan bi ser mala Ayfer Şahîn de girtibûn û ji ber îdiaya “Bi beroş-exlewîkê êriş kiriye”, 2 sal û 9 meh cezayê hefsê lê hatibû birîn. Şahîn, piştî temamkirina cezayê xwe tehliye bû.
Fatîh Aydin diyar kir ku ji ber ew bi kurdî diaxivî HD Îskender a li Balafirgeha Stenbolê dawî li karê wî aniye û axaftina wî ya bi kurdî dihat astengkirin. Midûrê Restorantê N.E., jî piştrast kir ku axaftina bi kurdî asteng kirin e.
Li gorî texmînên Midûriyeta Giştî ya Meteorolojiyê dê li seranserî welêt hewa ji 1 dereceyê heta 3’yan germtir bibe.
Şêniyên gundê Xanika Jêr a Çinara Amedê, xwestin pirsgirêka binesaziyê ya gund bê çareserkirin. Welatiyan diyar kir ku cihoka ku di nava gund re derbas dibihûre, dibe cihê xetereyê û bang li rayedaran kirin.
Rojnameger Aras Îbrahîm diyar kir ku serkeftina YNK’ê ya li Kerkûkê dê bandorê li herêmê û êrişên dewleta tirk bike û wiha got: “Planên Tirkiyeyê yên li ser herêmê têk çûn.”
Girtiyê nexweş Yaşar Bayar, di hevdîtina bi telefonê re ya li gel malbata xwe ragihand ku rewşa wî her ku diçe nebaştir dibe. Dayika wî Zînê Bayar banga hestiyê kir û got: “Çavên wî nabînin û nayê tedawîkirin. Di hucreyê de bi tena serê xwe ye û nikare pêdiviyên we pêk bîne."
Li hin bajaran polîsan di serdegirtina malan de gelek kes kirin binçavan.
Kesên di çarçoveya çalakiya nobedê ya li dijî xespkirina vînê de, li Stenbol û Îzmîrê hatin cem hev, bal kişandin ser girîngiya têkoşîna hevpar û li dijî şer banga dengderxistinê kirin.
Endamê Koma Aştiyê Alî Şukran Aktaş ku li Îzmîrê ji ber penceşêrê dihat dermankirin û jiyana xwe ji dest da, wê li Meletiyê bê definkirin.
Şandeyek ji Rêveberiya Xweseriya Demokratîk a Bakur û Rojhilatê Sûriyeyê ji bo piştgiriya gelê herêmê serdana kantona Dêrazorê kir.
Alîgirên Amedsporê ên duh li ber stadê beriya maça Amedspor û Fatîh Karagumruk Sporê hatibûn binçavkirin, hatin berdan.
Malbatên girtiyan li ber girtîgehan li dijî binpêkirinên mafan ên li girtîgehan civiyan û banga bidawîkirina tecrîdê kirin.
Li ser rêya Siyahkaya ya Silopiyayê teqîn çêbû. Hat ragihandin ku birîndar hene.
Piştî serlêdanên partiyên siyasî, Serokatiya Meclisê bang li Meclisê kir ku ji bo nirxandina betalkirina parlamenteriya Can Atalay bicive.