Dayika Abdulkadîr Bozkûrt ê li Girtîgeha Tekîrdagê îşkence lê hate kirin, Zelîha Bozkûrt, çû Serdozgeriya Komarê ya Rihayê û giliyê faîlan kir. Li ser gotinên îşkenceyê Navenda Giştî ya DEM Partiyê biryar da ku şandeyekê bişîne girtîgehê.
Hevseroka Giştî ya DEM Partiyê Tulay Hatimogûllari li navçeya Şehzadeler serdana karkerên çandiniyê û cotkaran kir û got ku pêdiviya vî welatî bi nan û edaletê heye.
DEDAŞ’ê tevî leşkeran bi ser gundêkî navçeya Bismilê girtin. Leşkerek payebilind ê ji Fermandiyariya Cendirmeya a Bismilê wiha gef li gundiyan xwar: “Heke hûn destûrê nedin em ê ceyranê bibirin û we di tariyê de bihêlin. Em ê sibê bi zêdetir leşkaran ve werin.”
DEM Partiyê ya Amedê deklarasyona 1’ê Îlonê Roja Aştiyê ya Cîhanê eşkere kir. Li Amed, Wan û Îzmîrê dê mitîngên herêmî bên lidarxistin û bang li gel hat kirin ku li dijî terîdê, bêdaletiyê û şer dakevin qadan.
Zilamê bi navê V.Ş. ku li Îzmîrê dijî, bi çekê 3 zarokên xwe qetil kirin û zarokekî xwe jî birîndar kir.
Parêzerên Buroya Hiqûqê ya Sedsalê ji bo hevdîtina bi muwekîlê xwe Rêberê PKK’ê Abdullah Ocalan re ku 42 meh in tu agahî jê nayên girtin, serî li Serdozgeriya Bûrsayê û Midûriyeta Girtîgeha Îmraliyê dan.
Serokê Konfederasyona Sendîkayan a Dundee ya Skoçyayê Mike Arnott diyar kir ku Abdullah Ocalan yekane nûnerê gelê kurd e û wiha got: “Ji bo çareseriya pirsgirêka kurd heta ku azadiya Ocalan pêk neyê gavek jî nikare bê avêtin.
Rêxistinên çapemeniyê diyar kirin ku êrişa ku rojnamevan Gulîstan Tara û Hêro Bahadîn tê de hatin qetilkirin, li hemberî azadiya fikr û ramanê bûye û îşaret bi têkoşîna hevpar kirin.
Rojnamevan Fréderike Geerdînk diyar kir ku ne ji rojnamevanên kurd be wê gelek rastî neyên bihîstin û got ku Tirkiye bi qetilkirina rojnamevanan sûcê şer dike.
Ji Enes Îlgen û Serdar Başaran ên di Girtîgeha Tîpa T ya Bafrayê tên ragirtin re, bi hinceta stran û helbestên kurdî di lênûskên xwe de nivîsandine, 11 roj cezayê hucreyê li wan hate birîn.
Berovajiyê gelek cihên din êzidiyên ji ber fermanê neçar mabûn cihê xwe terk bikin, vedigerin Şengalê. Di vê çarçoveyê de 130 malbatên din ji Wargeha Êsya ya Dihokê vegeriyan herêma Qibletê ya Şengalê.
Di nobeta li dijî qeyûm de ya li Qada Şîşhaneyê hatiye destpêkirin, rojnamevanên hatin qetilkirin, hatin bibîranîn.
Li Stenbolê 3 kesên ji ber ku stranên kurdî hatibûn binçavkirin, bi îdiaya "propagandaya rêxistinê kirine" û "endamtiya rêxistinê" hatin girtin.
Di çarçoveya kampanyaya "Ji Abdullah Ocalan re azadî, ji pirsgirêka kurd re çareserî" de li taxa Cûdî paraznameyên Rêberê PKK'ê Abdullah Ocalan hatin xwendin.