Rojnamegerên ji bo şermezarkirina qetilkirina rojnameger Nazim Daştan û Cihan Bîlgîn tên darizandin wiha gotin: " Em ê bibin ziman û çalakiya heqîqetê û em ê parastina rûmeta rojnamegeriyê bidomînin."
Ahmet Başboga û Şakir Akkurt piştî 32 salan hatein berdan.
Danişîna ewil a doza 10 rojnameger, 2 siyasetmedar û 2 ciwanan ku bi boneya protestokirina qetilkirina Nazim Daştan û Cîhan Bîlgîn tên darizandin, hat lidarxistin. Danişîna dozê ji bo amadekirina mutalaayê hate taloqkirin.
Ji kesên bi boneya çalakiyên li Saraçhaneyê hatin girtin ji bo 59’an biryara tehliyeyê hate dayin.
TJA’yê dayika Rêberê Gelê Kurd Abdullah Ocalan, Uveyş Ocalan bi van gotinan bi bîr anî: “Em ê hêviyên aştî û azadiyê yên hemû dayikên xwe, bi avakirina civaka demokratîk tacîdar bikin.”
Rêxistina ESP’ê ya Îzmîrê bal kişand ser binpêkirinên mafên mirovan ên li Girtîgehên bi Ewlekariya Bilind û Girtîgehê Tîpa S û Y’ê û xwestin ev girtîgeh bên girtin.
Îstîxbarata rejîma Îranê li rojhilatê Kurdistanê 4 welatiyên Kurd binçav kir.
Li Sakaryayê di maleke prefabrîk de şewat derket û 2 zarokan jiyana xwe ji dest dan.
Komeleya Çandê ya Elewî Bektaşî ya Bodrumê bertek nîşanî komkujiya li Sûriyeyê li dijî Elewiyan tê kirin da û giliyê kesên piştgiriyê didin vê komkujiyê kir.
Berdevkê Wezareta Karên Derve ya Îranê Îsmaîl Bekayî têkildarî hevdîtina ku dê li Ummanê bi DYA’yê re bê kirin, wiha got: “Em şansekî rastîn didin dîplomasiyê.”
Ramazan Karataş ku 32 sal bûn di girtîgehê de bû, hate berdan.
Vedat Demîr ku hevalê wî Yakup Aydin ji hêla çawişê pispor Selman Kuçuk ve hate qetilkirin, wiha got: “Piştî kuştina Yakup ji bo kuştina min dîsa vegeriya lê nedît.”
Girtiyê nexweş Mehmet Emîn Çam ku di mejiyê wî de tumor hatiye tespîtkirin, carekê emeliyata dil, carekê ya kataraktê, du caran emeliyeta gurçikan bûye û rexa wî ya çepê jî felc bûye. Hat zanîn ku rewşa Çam giran bû û rakirin nexweşxaneyê.
Meral Z. ku rastî zext, gef û tundiya sîstematîk a Kadîr Onur Kenter dihat, 14 caran gilî kir lê tevek jî bêencam man. Meral Z. diyar kir ku necezakirin cisaretê dide zilaman û asta tundiyê zêdetir dike.
Hevserokê DEM Partiyê yê Wanê Veysî Dîlekçî diyar kir ku dewlet û desthilat li ser banga Abdullah Ocalan hê gav neavêtine û got: "Divê şert û mercên bangê demildest pêk bên."