Di êrişa dewleta tirk de jina ciwan a bi navê Aya El Sebawî jî jiyana xwe ji dest da. Hejmara kesên li Qamişloyê hatin qetilkirin derket 8’an.
Ji ciwanên ku piştî kongreya Meclisa Ciwanan a DEM Partiyê hatin binçavkirin 5 jê zarok 26 kes hatin berdan.
Li Amed, Stenbol û Wanê çalakiya Nobeta Edaletê berdewam kir. Malbatan ji Rêberê PKK’ê Abdullah Ocalan re name şandin.
Nezîr Tekçî li Geverê di dema binçavkirinê de hatibû windakirin. Têkildarî windakirina Tekçî li serhengê teqawid Alî Osman Akin û mîralay Kemal Alkan doz hatibû vekirin. Danişîna dozê li Eskîşehîrê hate lidarxistin û danişîn hat taloqkirin.
Hevserokê Giştî yê HDP’ê yê berê Selahattîn Demîrtaş diyar kir ku hemû partî di çareseriya pirsgirêka kurd de alî ne û ji bo çareserkirina pirsgirêkê divê tecrîd bê bidawîkirin. Demîrtaş, wiha got: “Ocalan, aliyê muzakereyê ye. Muxatabê rewa yê gelê kurd e ku daxwazên polîtîk temsîl dike. Aktorê herî bibandor e.”
Dewleta tirk li Bakur û Rojhilatê Sûriyeyê istasyona trênê, weşanxane, navenda çandiniyê û kargeha zeytûnan bombebaran kir. Di êrişan de herî kêm 6 kes hatin qetilkirin û 9 kes jî birîndar bûn.
Makîneya kar a ku ji bo vekirina rêyên navçeya Avkevirê ya Agiriyê dixebitî wergeriya kendalê. Hejmara kesên di encama qezayê de jiyana xwe ji dest dan derket 4’an.
Serokwekîlên DEM Partiyê Meral Daniş Beştaş û Sarûhan Olûç di Meclisê de têkildarî budçeyê axivîn.
Medyaya îktîdarê mirina endamê HPG’ê Erdînç Bolcal îro weke nûçeyeke “deqeya dawî” ragihand. Lê belê derket holê ku HPG’ê di 15’ê kanûnê de agahî parve kirine.
Hevserokê Giştî yê HDP’ê yê berê Selahattîn Demîrtaş diyar kir ku ji bo gelên Kurdistan û Tirkiyeyê aştî mecbûriyeteke û wiha got: “Kî ji muzakere û guftûgoyê bireve, berpirsyarê mirinan jî ew in. Her siyasetmedarê ji bo pêşeroja siyaseta xwe ji şer sûd digire durû ye.”
Li gundê Hespistê dorpêça leşkeran 5 roj in didome. Leşker li gund bi cih bûne.
Balafirên şer ên dewleta tirk Çapxaneya Sîmav, navendeke binesaziyê, îstasyona trênê û navenda çandiniyê yên li bajarê Qamişloyê jî bombebaran kirin, di encama bombebarana Çapxaneya Sîmavê de 3 welatî birîndar bûn. Li aliyê din gundên navçeya Şêrawa ya kantona Efrîn û Şehbayê jî tên topbaran kirin.
Li Mêrdînê cemaeta suryanan Cejna Zayînê bi ayînekê pîroz kirin.
Hevserokê PYD’ê Salih Muslim diyar kir ku dewleta tirk bi êrişên xwe hewl dide Bakur û Rojhilatê Sûriyeyê vala bike û wiha got: “Ji bilî berxwedanê tu rêyeke me nîne. Dê êrişên wan tu caran negihijin armanca xwe.”
Parêzerên Can Atalay ku AYM’ê derbarê wî de du caran biryara binpêkirinê da, ji bo ku were berdan careke din serlêdan kirin.