Di çarçoveya pîrozbahiyên serê salê de gelek kesên çanda “Kosegeriyê” didomînin, li kolanên Amedê meşiyan, deriyên malan û dikanan xistin û ji bo sala nû daxwazên xwe kirin.
Di çalakiya ‘Rûniştina F’ ya Şaxa ÎHD’a Stenbolê de ji bo girtiyê nexweş Abdulkadîr Kûday ê tevî rapora “nikare di girtîgehê de bimîne” hatiye dayîn û di Girtîgeha Tîpa R ya Metrîsê de tê ragirtin bang li rayedaran hat kirin ku Kûday were berdan.
Înîsiyatîfa ji Girtiyên Nexweş re Azadî xwest ku girtiyê nexweşê giran Abdulmenaf Aytaç ê 70 salî ku bi zehmetî dimeşe were berdan.
Malbatên Windakiriyan aqûbet û faîlên Mehmet Emîn Bak ê di bin çavan de hate windakirin û piştî 18 salan cenazeyê wî hate dîtin û Şîmonî û Hurmuz Dîrîl pirsîn.
Dayikên Şemiyê ji bo Rêveberê MÎT'ê Mehmet Eymur ê ji kuştina 18 cînayetên kujerê wan nediyar dihat darizandin û îro mir, gotin "Me ew baş denizanî. Dayikan vê hefteyê aqûbeta Omer Kartal û bira Omer û Mehmet Findik ên li midûriyeta Polîsan a Sîlopiyê hatin windakirin û carek din agahî ji wan nehat girtin, pirsîn.
Rêveberiya Xweser diyar kir ku Tirkiye bi êrişên xwe yên li ser herêmê hewl dide xetereyên mezin li ser hewldanên têkoşîna li dijî terorê çêke û li dijî êrişan banga “xweparastinê” kir.
Piştî kuştina leşkerên di şerê li herêma Zapê de Wezîrê Parastinê Yaşar Guler û fermandarên pê re hatin Şirnexê.
Endamê MÎT’ê yê berê Mehmet Eymur ê ku ji gelek cînayetên faîlên wan nediyar berpirsyar dihat dîtin, li Stenbolê mir.
Serdozgeriya Dadgeha Bilind biryarên beraetê yên derbarê 10 kesên di sala 2021’an de li navçeya Meram a Konyayê ji malbata Dedeogûllari 7 kesan bi Mehmet Altûn dabûn ketilkirin, derveyî hiqûqê dît. Serdozgerî xwest ji nû ve lêkolîn were kirin û kêmasiyên dosyeyê werin temamkirin.
Rêxistina DEM Partiyê ya Stenbolê ji ber pêşhilbijartinê Mitînga Filistînê ku da sibê li dar bixe taloq kir.
Hate diyarkirin ku piştî şer û pevçûnên li Zapê li 32 bajaran bi îdiaya “astengkirina xebatên rêxistinê û çavkaniyên wê yên fînansê” bi ser gelek malan de hatiye girtin û 113 kes hatine binçavkirini.
Konferansa ku TJA bi navê “Zincîra Bêdengiyê: Rûxandina Dîwarên li Dora Girtiyên Siyasî”li dar dixe, dest pê kir. Aktîvîsta TJA’yê Hacer Ozdemîr diyar kir ku bi konferansê dixwazin berxwedanan jinan a li girtîgehan belavî cîhanê bikin û dixwazin bibin wesîleya piştevaniyeke navneteweyî.
Dayika Aştiyê Remziye Tek a bertek nîşanî neberdana Halîse Aksoy a ji ber beyanên şahidê vekirî 9 meh in girtiye dan, wiha got: “Gelê kurd dê tu car li dijî zilma wan serî netewîne.”
Rêveberê Şaxa ÎHD’a Wanê parêzer Heval Sînan Aras, diyar kir ku li welat gava ewil a demokratîkbûnê pêk bîne, rakirina pergala tecrîdê ya li Îmraliyê û bidawîkirina binpêkirinên mafan ên li girtîgehan e.
Wênegir Ozcan Yaman ku yek ji îmzevanê deklerasyona "Em ji bo aştiyê bibin dengek" e diyar kir ku divê hemû civak ji tecrîdê rizgar bibe û got: "Pêwîstiya me bi demokrasiyê heye. Ji ber vê yekê em bi vî awayî tevgeriyan. Ez bang dikim. Her kes bibe dengê aştiyê."