Wezareta Tenduristiyê pêşnizpirsa têkildarî tenduristiya Rêberê PKK'ê Abdullah Ocalan de bersivan, derpêş kir ku rewşa tenduritiya wî ne têkildarî qada wê ya peywirê ye. Parlementerê DEM Partiyê Sezaî Temellî jî bertek nîşan da û got: "Ne têkildarî qada peywira ya tenduristiyê be, ne xwe dikeve kîjan qadê?"
Hevserokê Giştî yê HDP’ê yê berê Selahattîn Demîrtaş ê girtî ku ji bo dayika wî Sadiye Demîrtaş a di lênêrîna awarte de tê tedawîkirin anîn Amedê, li vir serdana dayika xwe kir.
Li navçeya Maden a Xarpêtê di kaneke madenê ya şîrketeke taybet de teqînek çêbû. Di teqînê de du kes birîndar bûn.
Serokwekîlên Koma DEM Partiyê bal kişandin ser leşker û polîsên beriya hilbijartinên herêmî veguhestine navçe û bajarên bakurê Kurdistanê û xwestin ku ji bo ev rewş were tespît kirin û guman ji holê rabin komîsyona lêkolînê bê avakirin.
Komîsyona Girtîgehan a Şaxa ÎHD’a Stenbolê “Rapora Binpêkirinên Mafan ên Herêma Marmarayê” parve kir û got ku di nava 3 mehan de li dijî girtiyan hezar û 596 binpêkirinên mafê jiyanê hatine kirin.
Biryar hate dayîn ku di maça Duzcespor û Amedsporê de alîgirên Amedsporê negirin maçê.
Li gelek bajaran Nobeta Edaletê berdewam dike. Rêveberên Rêxistina ESP’a Stenbolê bi armanca piştevaniya nobetê ji bo 3 rojan çalakiya greva birçîbûnê dan destpêkirin.
Serokê MÎT’ê Îbrahîm Kalin li Bexdayê bi Serokkomarê Iraqê Latîf Reşîd re hevdîtin kir.
Girtiyên siyasî yên li Amedê têkildarî Nobeta Edaletê nameyek şandin û çalakî silav kirin. Girtiyan, wiha gotin: “Têkoşîn û sekna we hêz û moralê dide me.”
Parêzerên Bûroya Hiqûqê ya Sedsalê ji bo hevdîtina bi miwekîlê xwe Rêberê PKK’ê Abdullah Ocalan ku 34 meh in tu agahî jê nayên girtin, serî li Serdozgeriya Komarê ya Bursayê û Midûriyeta Girtîgeha Îmraliyê dan.
Di encama serdegirtinên malan ên li Amedê de Sidika Suleymanoglû ya 83 salî hate binçavkirin.
Pêşhilbijartina tura duyemîn a ji bo diyarkirina bernamzetê mêr ê Şaredariya Bajarê Mezin a Amedê dest pê kir.
Hevserokê Giştî yê DEM Partiyê Tuncer Bakirhan bang li dewletê kir ku bi aqlêselîm tevbigere û wiha got: “Guh bidin birêz Abdullah Ocalan û pê re rûnin.”
Li wargeha KYK’ê ya Pîr Alî ya li Çewligê xwendekarekê hewl da întîhar bike.
Hunermend Emel Çîftçî di danişîna ewil a doza xwe de hate tehliyekirin.