“Komxebata Jin û Aboriyê” ku ji hêla Kooperatîfa Jinê ya Evînê ve dihat organîzekirin, di roja duyemîn de bi rûniştinên “Beşdarbûna jinan a di pêvajoyên biryardayînê de”, “Têkoşîna zayenda civakî” û “Newekheviyên zayenda civakî” bi dawî bû.
Jinên ku vegeriyayîn mezraya Gomê ya Farqînê ku di salên 90’î de hatibû şewitandin û ji xwe re atolyeya tekstîlê ava kirin, anîn ziman ku azadiya aboriyê girîng e.
TJA û Meclisa Jinan a DBP'ê li ser polîtîkayên şerê taybet bi jinan re dicivin û vê yekê nîqaş dikin. Endama Meclisa Jinan a DBP'ê Ayşe Çelîkbîlek got ku ew ê bi têkoşîna xwe li ber şerê taybet rabin.
Li cerdevanê ku li Elbakê ji ber destdirêjiyê dihat darizandin, 6 sal û 8 meh ceza hat birîn. Parêzer Jiyan Ozkaplan ku bertek nîşanî vê yekê da, got: "Lêpirsîneke bibandor nehat kirin. Ji ber ku faîl bi unîforma ye, hat parastin."
Li şaredariya Cizîrê Midûriyeta Polîtîkayên Jinê ya ku di dema qeyûm de hatibû girtin, piştî 8 salan hat vekirin. Hevşaredara Cizîrê Guler Yerbasan got: "Projeyên me yên li ser jinan berfireh in û demdirêj in. Midûriyeta me dê ne tenê bi Cizîrê re sînordar bimîne, dê li navçeyan û li gundan jî jinên ku rastî tundiyê tên tespît bike û xebatên xwe bide bide meşandin."
Şaredariya Cizîrê bi hevkariya Komîsyona Jinan a Baroya Şirnexê semînera bi navê "ji tundiya li ser jinê re bes e" pêk anî. Di semînerê de cureyên tundiya li ser jinan hat nîqaşkirin.
Jina ku li navçeya Midyadê mala wê ji aliyê kurê wê ve hate şewitandin, li nexweşxaneya lê dihate dermankirin jiyana xwe ji dest da.
Ayşe K. li dijî zilamê pê re zewicî ku bi awayekî sîstematîk tundî lê dikir, xwe parast û ew kuşt.
Hesabê kurdî JINNEWS’ê yê platforma X’ê (twittter) hat astengkirin.
Endama Meclisa Şaredariya Bajarê Mezin a Wanê Oznûr Evîn diyar kir ku wan xebatên xwe yên ji bo Butona Jin a Jînê û Stasyona Gava Ewil temam kirine û got ku ji bo jinên rewşa wan a aborî nebaş jî sepana JINKART'ê pêk anîne.
Li Mûrat Atilgan ê li Êlihê Tûba Ozel qetil kiribû cezayê muebbeta giran hate birîn.
TJA û Meclîsa Jinan a DBP'ê der barê şerê taybet û têkoşîna zayendî ya jinan li Şirnex û Silopiyayê bi jinan re civiya.
MKG’ê êrişa li Şengalê li dijî rojnamevanan pêk hat şermzar kir.
Rojnamevan Gonul Yilman Saygan li Balafirgeha Îzmîrê hate binçavkirin.
Di encama polîtîkayên desthilata AKP'ê de ku tundiya li ser jinê rewa dikin, di 6 mehan de 250 jin hatin qetilkirin. Seroka Komeleya Jinan a Rosayê Sûzan Îşbîlenê diyar kir ku têkoşîna azadiya jinê dikare bike ku desthilat paş ve gavê bavêje û got: "Divê desthilat dest ji rewakirina êrişan berde."