Meclîsa Jinan a HDP'ê bernameya xwe ya 8'ê Adarê Roja Jinên Cîhanê diyar kir. Meclîsa jinan wê bi dirûşmeya "Em jin di azadiyê de bi israrin, di têkoşînê de bi biryarin" li bajarên herêm û Tirkiyeyê çalakiyên cur bi cur li dar bixe.
Meclîsa Jinan a HDP’a Êlihê û TJA’yê starta çalakî û şahiyên 8’ê Adarê Roja Jinan a Cîhanê da û dê di 8’ê Adarê de mitîng li dar bixin.
Rêxistina HDP'ê dê di 23'ê Sibatê de 4'emîn Kongreya Asayî ya mezin li dar bixin. Têkildarî kongreyê Berdevka Meclisa Jinan a HDP'ê Dîlan Dîrayet Taşdemir, diyar kir ku dê têkoşîna azadiya jinê mohra xwe li feraseta rêveberiyê bixe û wiha got: "HDP namzetê rêveberiya vî welatî ye. Em dixwazin hemû jin li gel hev siyasetê bikin."
Aktivîstên TJA'yê di çarçoveya çalakiyên 8'ê Adarê Roja Jinan a Cîhanê de li Qelqelî û Serayê bi jinan re hatin civiyan.
Platforma Jinan a Enqerê, ji bo tevlîbûna danişîna doza darizandina Hasan Bîlgîlî yê tacîzî bijîşka beytarê Ç.B. kir a di 26’ê Sibatê de bê dîtin, kir.
Nûnera Kuşadasi ya Federasyona Komeleyên Jinan ên Tirkiyeyê Mehlîke Alpdemîr, diyar kir ku bi girtina saziyên jinan re, tundiya li dijî jinê zêdetir bû û got: “Li cihên ku jin lê gilî dikin, xwe di ewlehiyê de nabînin.”
Dayika Ayşe Karaman a ku tê gotin Ozgur Tarhan ew kuştiye, destnîşan kir ku ji bo pêşî li ber cinayetan bê girtin divê jin dest bidin hev.
Li Gundê Kerikê yê Navçeya Çinarê ya Amedê Memduh Tufek ewil hevjîna xwe kuşt û piştre întîhar kir.
Y.O. ya ku di bin parastina polîsan de rastî lêdana hevalê xwe hat û çavekî wê kor bû, qala têkoşîna xwe kir. Y.O., anî ziman ku ji ber heyeta dadgehê li gorî daxwaza mêr biryarê dide, di danişîna ewil de bi bedl çû salona dadgehê.
Komîsyona Mafê Zarokan a Şaxa ÎHD’ê ya Enqerê ji bo Şeyma Yildiz a ji aliyê bavê xwe ve li Çûbûkê hat qetilkirin de daxuyanî da çepemeniyê. Endama komîsyonê Sevînç Koçak, diyar kir ku nabe ku tundî dibin navê “namûsê” de bê meşrûkirin.
Hevdîtina Meclîsên Jinên Tirkiyeyê ya bi dirûşmeya “Tu yê bi tenê tu carî nemeşî” ya bi pêşengtiya Meclîsên Jinan hat lidarxistin, bi dawî bû. Di hevdîtinê de ji bo çalakiyên 8’ê Adarê Roja Jinên Cîhanê pêşniyar hatin kirin û jinan nêrînên xwe parve kirin.
Li Stenbolê 2'yemîn Konferansa Jinên Tirkiyeyê bi pêşengiya Piştevaniya Mor bi dirûşma “Di têkoşînê de israr û di azadiyê de israr" îro pêk tê. Jinan di konferansê de bal kişandin ser yekitiya jinan û têkoşîna hevpar û gotin: "Jin bi hev re bi hêz in."
Meclîsên Jinan wê 2’yemîn Hevdîtina Jinan a Tirkiyê sibê li dar bixe. Ji Meclîsên Jinan Melek Onder got ji bo têkoşîna jinan pêşdetir bibin dê nexşerêya 2 salan derbixin.
34 roj derbas bûn, lê hê jî xwendekara zanîngehê Gulîstan Dokû nehatiye dîtin. Jinên Dersîmî gotin, xebatên lêgerînê û lêpirsîna hatiye destpêkirin divê dorfirehtir bibin.
Parlementera Partiya Demokratîk a Gelan (HDP) a Rihayê Ayşe Surucu, der barê yekitiyê de diyar kir ku divê ji yekitiya neteweyî herî zêde jinên kurd pêşengtiyê bikin û peywîrê hildin ser milê xwe.