Beriya hilbijartina 31'ê Adarê bi 20 rojan, qeyûmê Şaredariya Peyasê kreşa zarokan bêyî bedêl ji bo 25 salan dabû Miftîtiya Peyasê. Piştî tahsîskirina avahiyê tabeleya kreşê daxistibûn. Li ser vê rayedarên miftîtiyê û ên li cem wan tevî polîsan hatin kreşê û xwestin kreş bê valakirin. Lê belê endamên meclîsa şaredariyê diyar kirin ku bi biryara meclîsa şaredariyê biryara heyî ahtiye xirabkirin û divê avahî neyê valakirin. Lê belê parêvanên qeymeqam û û polîsan ew derb kirin û ji avahiyê derxistin. 

 

‘PÊŞÎ HEQARET LI ME KIRIN' 

 

Endamê Meclîsa Şaredariya Peysê Hîkmet Altûg, diyar kir ku wan îtirazî biryara valakirina kreşê kiriye lê belê parêzvanên qeymeqam û polîsan heqaret li wan kirine. Altûg, destnîşan kir ku parêzvan pêşî êrîşî rojnamevanên li wir kiriye û paşê mudaxileyîw an kirine û xwestine bi darê zorê wan ji avahiyê derxînin. 

 

‘EM Ê GILÎ BIKIN' 

 

Altûg, destnîşan kir ku avahî ya Şaredarya Peyasê ye û ew jî endamên meclîsa şaredariyê ne. Altûg, diyar kir ku parêzvana ji wan re gotiye "Tue rkek we tune ye. Rêjeya dengên me nemuhîm e. Em vira dagir dikin. Û hûn ê vir terk bikin." Altûg, diyar kir ku paşê parêzvanê qeymeqam ew derb kirine û got: "Bi awayekîd er qanûnî û bêhiqûqî avahiya me ji me stendin. Niha ev sazî naxebite. Meclîsa me biryarek girt û em ê li gor vê biryarê serî li cihên erkdar bidin. Ji bo derbkirinê jî em çûn enxweşxaneyê û me rapor girt. Em ê giliyê evan kesan bikin." 

 

Endama meclîsa şaredariyê Fatma Yakişir jî destnîşan kir ku qeymeqamtî û miftîtiyê kreşa zarokan xesp kiriye û parêzvanên qeymeqam ew derb kirine. Endama meclîsa şaredariyê Songul Kapanci jî anî ziman ku li avahiya kreşê rayedarekî miftîtiyê bi awayekî provakatorî axiviye ûg otiye: "Ji olê hez bikin. Ji miftîtiyê hez bikin. Ji dewletê ehz bikin." Endama meclîsa şaredariyê Esma Efeturk jî got: "Em li ber çavê zarokan û xizmên wan hatin derbkirin. Bi tahmdanê em derxistin derve. Hîn jî şopa derbên wan li ser canê me ye."