AMED – Hevseroka KCD’ê Leyla Guven a li dijî tecrîdkirina Ocalan di greva birçîbûnê de di nav de der barê 35 kesan bi boneya beşdarî pîrozbahiya rojbûna Ocalan a sala 2017’an bûne lêpirsîn hatibû destpêkirin. Dozgerê vê lêpirsînê ewil biryara neşopandinê da û dozger piştî 20 rojan ji biryara xwe vegeriya û xwest doz bê vekirin û li ser vê daxwazê doz hat vekirin.  

 

Hevseroka KCD’ê û Parlamentera HDP’ê ya Colemêrgê Leyla Guven a li dijî tecrîdkirina Ocalan di greva birçîbûnê de ye, xwişk û birayê Ocalan, Fatma Ocalan û Mehmet Ocalan jî di nav de der barê 35 kesan bi boneya beşdarî pîrozbahiya rojbûna Rêberê PKK’ê Abdullah Ocalan a sala 2017’an li gundê Amara Xelfetiyê bûne lêpirsîn hatibû destpêkirin. Piştî du salan lêpirsîn veguherandin dozê. 

 

Koma rojbûnê pîrozb kiribû heman roj hatibûn binçavkirin û berdan. Dozgerê Komarê yê Rihayê Ozkan Gîrgîn lêpirsîn da destpêkirin. Lêpirsîn bi îdaya “Li dijî qanûna civîn û xwepêşandanên meşê muxalefet kirine” hat birêvebirin. Ji ber çalakî ji aliyê esker û polîsan ve nehatibû şopandin û delîlên têr bikin di destê dozgeriyê de bune bûn di 9’ê çileya 2019’an de biryara neşopandinê ji bo lêpirsînê hatibû dayîn. 

 

DOZGER EWIL GOT 'NESÛC E' 

 

Dozger, axaftina Leyla Guven a di pîrozbahiyê de û posterên hatin bidestxistin wek sûc nedît û biryara neşopandinê da lêpirsînê. Heman dozger piştî 20 rojan yanî di 1’ê sibatê de ji biryara xwe vegeriya û xwest der barê Leyla Guven û kesên din de doz bê vekirin. 

 

Dozger Gîrgîn bi îdaya “dê çalakiyên rêxistinê yên bi şidet rewa bên nîşandan û bi pesindayînê propaganda rêxistinê kirine” bi daxwaza der barê kesên ketin ber lêpirsînê de ji salekê heta 5 salan cezayê hepsê doz bê vekirin. 

 

Îdaname hat amadekirin û pêşkêşî 10’emîn Dadgeha Cezayê Giran a Rihayê hat kirin. Heyeta Dadgehê îdaname qebûl kir. 

 

DER BARÊ LEYLA GUVEN DE BIRYARA ‘BI DARÊ ZORÊ ANÎN’ 

 

Dadgehê xwest îfadeyên Leyla Guven li Dadgeha Amedê bê sitendin. Danişîn di 27’ê Adarê de li 5’emîn Dadgeha Cezayê Giran a Amedê hat dîtin. Ji ber Guven di greva birçîbûnê de ye û nikaribû beşdarî dozê bibe, dadgehê der barê Guven de biryara “bi darê zorê anîn” da. 

 

Danişîna Guven û xwişk û birayên Ocalan di 3’ê Nîsanê de li Dadgeha Rihayê hat dîtin. Parêzeran xwest dadgehkirin bê sekinandin. Heyeta dadgehê daxwaza parêzeran red kir.