Girtiyê 23 salî Siraç Yuksek ê li dijî tecrîdkirina Rêberê PKK’ê Abdullah Ocalan li Girtîgeha Tîpa T a Hejmara 2 a Osmaniyê dawî li jiyana xwe anî, di dema qedexeya derketina derve ya li navçeya Nisêbînê ya Mêrdînê yek ji kesên ji bajêr hatibûn derxistin bû. Yuksek bi 53 kesan re li 4’emîn Dadgeha Cezayê Giran a Mêrdînê dihat darizandin û 76 caran cezayê muebeta giran jê re dihat xwestin. Yuksek di dema darizandinê de her tim îşkenceya li wî hatibû kirin vedigot û tecrîda li ser Rêberê  PKK’ê Abdullah  Ocalan şermezar dikir. Yuksek ê ji 1’ê Adarê ve di greva birçîbûnê de bû, bi daxwaza rakirina tecrîda li ser Ocalan dawî li jiyana xwe anî. 

 

‘JI BER VÊ BÊDENGIYÊ MIROVÊN ME DIMIRIN’ 

 

Dayika Siraç Yuksek Emşa Yuksek, diyar kir ku di hevdîtina telefonê ya herî dawî bi kurê xwe re kir de, kurê wê jê re gotiye bila malbatên girtiyan xwe xemgîn nekin û wiha axivî: “Kurê min nexweş bû. Ji ber ku li Girtîgeha Osmaniyê bû, 3-4 mehan carek min darî biçim hevdîtina wî. Nexweşiya giran a kurê min hebû. Lê ligel vê yekê jî girtîbû. Ez bêdengiya raya giştî rexne dikin. Bila hemû kes deng derxînin. Divê tiştek bê kirin. Bila êdî mirov nemirin. Ji bo ku kes nemire, divê hemû kes deng derxînin. Ji ber vê bêdengiyê mirov dimirin. Kurê  min çû, bila zarokên tu kesên din neçin.”

 

‘DIVÊ DEMILDEST TECRÎD RABE’

 

Dayik Yuksek, da zanîn ku ew naxwaze girtî dawî li jiyana  xwe bînin û wiha bilêv kir: “Divê demildest tecrîd rabe. Zarokên me ji bo vê xwe dişewitînin. Kurê min ev sê salin di zindanê deye. Tiştek nemaye ku nehatiye serê wî. Ji ber îşkence û zextên lê hatin kirin, ket vê rewşê. Niha jî wan ber bi mirinê ve dibin. Ew kesên îşkence bi wan kirin, divê li ser xwe bi hizirin. Ez ji vê derê bangî Erdogan dikim, ewî çawan kezeba min şewitandin, hêvî dikim ku cigera wî jî wisan bişewite. Ji bilî vê tiştek din nabêjim. Sebeba zarokên me ewe.”

 

MA / Ahmet Kanbal