Wezîrê Karên Hundir Suleyman Soylu di 12'ê Mijdara 2016'an de li Sakarya di axaftinek xwe de got “Xwedê şahidê min e êdi dê kes navê PKK'ê bilêv neke. Ez soza şeref û namûsê didim miletê me.  Ev gotina Soylu di rojnameyan de bu manşet. Soylu, piştî vê daxuyaniyê di nava 853 rojan de herî kêm 189 caran mijara PKK'ê anî ziman û qala PKK'ê kir. Tenê li gorî daneyên ku di çapemeniyê de hatin dîtin Soylu di nava 2 sal û nîvan de herî kêm 189 caran mijara PKK'ê bilêv kir û der barê PKK'ê de daxuyanî da. Piştî gotina Soylu ya “Xwedê Şahid e" di nava siyasetmedarên Tirkiye de herî zêde Soylu qala PKK'ê kir û herî kêm 189 caran li ser mijara PKK'ê axivî û PKK bilêv kir. 

Soylu tenê piştî pêvajoya hilbijartinê dest pê kir ji meha Çile heta niha herî kêm 47 caran qala PKK’ê kir. 

 

PIŞTÎ TRABZONÊ 2 ZIVISTAN DERBAS BÛN 

 

Soylu, di mijdara 2016'an de piştî xwedê kir şahidê xwe ku dawî li PKK'ê bînin, di hemam zivistanê de bi gotinek radîkaltir nêzîk bû. Salek şûnde di 26'ê Mijdara 2017'an de li Navçeya Dernekpazari ya Trabzonê li avahiya AKP'ê diar kir ku êdî PKK wê di zivistana 2017'an de bi dawî bibe. 

 

'EZ XWE DAVÊJIM BEXTÊ WE STUYÊ MIN LI BER QENDÎLÊ XWAR NEKIN' 

 

Soylu 2 sal şûnde di 15'e Sibata 2019'an de li Enqereyê di axaftinek xwe de got: “Stuyê min li ber Qendîlê xwar nekin". Di 23'ê Sibatê de li Yozgatê dîsa gotina xwe ya hefteyek berê dubare kir û got: "“Ez têm bextê we stuyê min li ber Qendîlê xwar nekin" û bêtir tika kir. 

 

TÊKILIYÊN BI PKK’Ê RE ZÊDE KIR

 

Piştî pêvajoya hilbijartinê dest pê kir, vê carê Serokê AKP'ê Tayyip Erdogan û Wezîrê Karên Hundir Suleylan Soylu têkiliya gelek kesên din jî bi PKK'ê re çêkir û wiha got: “Em ê PKK’ê xelas bikin." Soylu dîsa parast ku têkiliya CHP, Partiya İYİ (ÎP) Partiya Saadetê (SP) TKP, ODP û gelek hêzên muxalif bi PKK'ê re heye. PKK ku îdîa dikir ku PKK xelas bike vê carê çeperên PKK'ê firehtir kir. 

 

DÎSA LI ÎRANÊ VEGERIYA 

 

Soylu pişti got “Êdi dê kes nikaribe PKK'ê têxe devê xwe" û “Wê vê zivistanê xelas bibe" Masa Edîtoriya Ajansa Anadolu (AA) di 6'ê Adarê de daxuyaniya “Em û Îran înşallah dê li diji PKK’ê bi hevre operasyonê pêk bînin. Beriya Soylu hikumetên din ji gelek caran heman tişt gotibû. Gelek caran Tirkiye û Îranê bi hevre li dii Qendîlê operasyonên eskerî pêk anîbûn. Bi fuzeyan alîkarî û piştgirî dabûn Tirkiye. Lê dîsa bi ser neketibûn. 

Piştî vê manşeta AA. di 6'ê Adarê de Suleyman Soylu dîsa daxuyanî da û diyar kir ku ji bo operasyona li dijî Qendîlê pêdivî bi welatekî din heye. Soylu di axaftina 1'ê Adarê de jî disa dane parve kirin û got: "Me hêjmara endamên PKK’ê yên çiyê ji 15 hezaran daxist 700 kesan. 

 

SOYLU PIŞTÎ SOZA XELASKIRINÊ DA ÇEND DAXUYANIYÊN BALKÊŞ WIHA NE

 

* 8 Kanûn 2016 - Wan: "Piştî nîsanê bi qasî nikaribin xeyal bikin tê tune bibin." 

 

* 14 Kanun 2016 -Colemêrg: "Emê di Sibat û Adarê de wisa teknika teknolojiyê pêş bixin êdî dê ceraset nekin ku ji şikeftên xwe derkevin." 

 

* 18 Kanûn 2016 - Qeyserî: “Carek din dê êdî kes nikaribe navê PKK'ê têxe devê xwe. Xwedê şahid e emê vê yekê bikin" 

 

2017: PKK KÊLIYÊN XWE YÊN DAWÎ DIJΠ

 

* 3 Çile 2017 -Li Meclisa Giştî: “Tirkiye dê terorê xelas bike û welas bike jî." 

 

* 22 Çile 2017 -Trabzon: "Em serbilind in û êdî ev rêxistinen terorê dema xwe ya dawî dijî" 

 

* 28 Çile 2017 - Midûriyeta Şaxa Tevgera Taybet a Êlihê: “PKK li çiyê tune xwe kişandin" 

 

* 18 Sibat 2017 - Teşkilata AKP'ê ya Îzmirê: “Em dê navê PKK’ê ji ser vê axê paqij bikin." 

 

* 4 Adar 2017 - Mugla: "Em de navê PKK'ê ji ser vê axê paqij bikin û tune bikin." 

 

* 28 Adar 2017 - Li pêş avahiya AKP'ê ya Dernekpazari: “Bila bi komî werin. Bila bi hemû çekên xwe werin. Bila zanibin PKK li ser vê axê çi bike bila bike emê navê wê tune bikin." 

 

* 15 Îlon 2017 - Hatay Dortyol, “Emê bi PKK'ê re mijûl bibin." 

 

* 12 Mijdar 2017 - Fermandariya cendirmeyan a Gurbulak a Bazîdê: “Em bersîvên muhîm didin rêxistina PKK'ê." 

 

* 26 Mijdar 2017 - Kongreya AKP'ê ya Dernekpazari: “PKK dê vê zivistanê xelas bibe." 

 

2018: PKK BÊHNA XWE YA DAWÎ DIDE

 

*  18 Îlon 2018 - Çankiri, 31'emîn Hefteya Ahîtiyê û Pîrozbahiyên Çanda Yaran: “Li hundir êdî PKK nefesa xwe ya dawî dide." 

 

 * 5 Mijdar 2018 -Akademiya Ewlehiya Perav û Cendirmeyan: “PKK, îro hatiye asta xelasbûnê." 

 

* 30 Kanûn 2018 - Dersîm: “PKK êdî ji kaş gindir dibe. Êdî vegera wê ne pêkan e" 

 

* 31 Kanûn 2018 - Salona Sporê ya Şaredariya Mamakê: "Têkoşîna bi PKK'ê re hatiye kêliya dawî." 

 

2019: STUYÊ ME LI PÊŞ QANDÎLÊ XWAR NEKIN

 

* 10 Sibat 2019 - Enqere: “…Me PKK eciqand." 

 

* 15 Sibat 2019 - Golbaşi Enqere: "Hêzae me kêm nekin li pêş Qandîlê sutyê me xwar nekin" 

 

* 17 Sibat 2019 - Mamak Enqere: “Li vî welatî bi navê rêxistina PKK'ê ya terorê dê tiştek nebîne." 

 

* 24 Sibat 2019 - Trabzon: “Heta terorîstê dawî bê tesîr bibe ji mere xew heram e." 

 

* 2 Adar 2019 - Bayburt: “Me şah damara PKK'ê qut kir." 

 

* 6 Adar 2019 - Masa Editoriya AA: “Înşallah emê bi Îranê re li dijî PKK’ê operasyonê pêk bînin" 

 

MA / Diren Yurtsever