BEDLÎS - Hevserokê Giştî yê HDP'ê Sezaî Temellî di vekirina buroya Norşînê de axivî û got: "Xwenenasan peykerê Ehmedê Xanî hilweşandin. Em ê dawî li vê şerma qeyûm bînin. Ew dibêjin tişta ku kirine qey dê li ba wan bimîne. Na. Em ê hesabê hemû neheqiyên we bipirsin."
Hevserokê Giştî yê HDP'ê Sezaî Temellî û şandeya pê re piştî hevdîtina li Tetwanê derbasî navçeya Norşînê ya Bedlîsê bû. Temellî û şandeya pê re ewil li gundê Mor ê bi ser navçeya Norşînê ve çû serdana taziyeyekê û ji malbatê re sersaxî xwest. Temellî û heyeta xwe li Norşînê ji aliyê coşa gel ve hat pêşwazîkirin. Polîsan li navçeyê tedbîrê mezin girtin. Li ber buroya hilbijartinê bi sedan welatî kom bûn û li ber stranan govend gerandin û dirûşm berz kirin. Du ciwanên slogan berz kirin ji aliyê polîsan ve hatin binçavkirin.
Piştî Temellî û yên li gel wî hatin ber buroya hilbijartinê xîtabî gel kirin. Namzetên HDP'ê yên Hevşaredariya Norşînê Dîlek Ozan û Hîkmek Taşdemîr gel silav kirin û gotin ew ê di 31'ê Adarê de şaredariyan xwe bi dest bixin.
‘POLÎS JÎ TÊN LI ME GUHDAR DIKIN'
Temellî derket ser otobusê û gel silav kir û axivî. Temellî wiha got:
"Her dever barîkat e. Ez lê dinêhirim êdî polîs jê tên li me guhdar dikin. Em diçin ku hemû hêza emniyetan li pey me dixin û dora me dorpêç dikin. Baş e bila guhdar bikin. Peywîra wan ew e ewlehiya cemaweriyê bigirin. Lê mixabin li dora walî û AKP'iyan kom bûne û propaganda AKP'ê dikin. Ev sûc e.
HEBÛN, ÎRADE Û ZIMAN TUNE DIKIN
72 millet li welat dijîn. Hiqûq ew e ku îradeya jiyana bi hev re ye. Hiqûq ne qeyûm û şidet e. Ji bo wê em ê hemû qeyûman bi hev re paqij bikin û biavêjin. Hemû şaredariyan xistine bin deynan. Van deynan ne em hûnê razînin. Biçin Qesrê bila Qesr deynê wa razîne. Hemûyan bi bi heman feramnê tevger kir. Saziyên zimanê kurdî qedexe kirin. Çimkî li ser serê van kesê dibêje 'bicihimin biçe' heye. Em naçin em li vir in û em li welatê xwe ne. Xizmeta bi kurdî tune ye. Perwerdehî û xizmeta tenduristiyê ya bi zimanê kurdî nîne. Navê van polîtîkaya înkarê ye. Polîtîkaya înkarê dikin. Bi vê nebaşiyê civakê dabeş kirin. Em jî dibêjin ev yek sûcê herî mezin e. Ji bo vê yekê em ê hemû bi hev re biçin ser sindoqan û bersiva wan pêwîst bidin. Em ê îradeya ku hemû gel bi hev re bijîn di sindoqan derxin holê û nîşanî wan bidin.
EM JI BÎRA BIKIN BILA DILÊ ME ZIWA BIBE
Desthilatdariya AKP'ê çand, ziman û dîrokê tune dike. Yên xwe nas nakin peykerê Ehmedê Xanî hilweşandin. Dixwazin bi hilweşandina peykerê Ehmedê Xanî gelê kurd xwe û edebiyata xwe nas neke. Peykerê Roboskî xera kirin. Armanc ew e ku sûcên xwe veşêrin. Heke em ji bîra bikin dilê me ziwa bibe. Em ê dawî li vê şerma qeyûm bînin. Ew dibêjin tişta ku kirine qey dê li ba wan bimîne. Na. Em ê hesabê hemû neheqiyên we bipirsin.
Divê hin bêtir em bixebitin û bi ser kevin. Wê serê sibeha 1'ê Nîsanê gelên Tirkiyeyê bi hêviyek azadî û aştiyê şiyar bibin."
Temellî û yên pê re piştî axaftinan buroya hilbijartinê vekirin û bi dû re jî ji bo hevdîtina bi gel re derbasî Navenda Bedlîsê bûn.